ગ્રીનલેન્ડનો પ્રતિસાદ: “અમે વેચાવા માટે નથી”
ગ્રીનલેન્ડના તમામ મોટા રાજકીય પક્ષોએ એક સંયુક્ત નિવેદન બહાર પાડીને ટ્રમ્પના પ્રસ્તાવને ફગાવી દીધો છે. તેમણે સ્પષ્ટ કર્યું છે કે અમે અમેરિકન બનવા માંગતા નથી. અમે ડેનમાર્કની આધીનતામાંથી પણ મુક્ત થઈને સ્વતંત્ર રહેવા માંગીએ છીએ. ગ્રીનલેન્ડનું ભવિષ્ય ત્યાંના લોકો પોતે નક્કી કરશે, કોઈ બહારની શક્તિ નહીં.
આ વિવાદ હવે અમેરિકાના આંતરિક વહીવટ અને આંતરરાષ્ટ્રીય સંબંધો માટે એક મોટી કસોટી બની ગયો છે. જો ટ્રમ્પ પોતાની જીદ પર અડગ રહેશે, તો વિશ્વના સૌથી જૂના લશ્કરી ગઠબંધન (NATO) માં તિરાડ પડવી નિશ્ચિત છે.
