Related Posts
Category : Gujarat
આણંદમાં બોરસદ રોડ પર બે બાઇકો સામ-સામે ટકરાતાં 3 યુવાનના મોત, નાપાવાંટા ગામમાં માતમ પ્રસર્યો
Anand Accident: આણંદ-બોરસદ રોડ પર આવેલા એક રિસોર્ટ નજીક બે બાઈક વચ્ચે સામસામે અથડાતા અકસ્માત સર્જાયો હતો. જેમાં ત્રણ યુવાનોના સ્થળ પર જ મોત નીપજ્યા હતા, જ્યારે અન્ય ત્રણ યુવાનો ગંભીર રીતે ઈજાગ્રસ્ત થતાં તેને સારવાર અર્થે હોસ્પિટલ ખસેડવામાં આવ્યા હતા. અકસ્માતનો ભોગ બનેલા 6 યુવાનો બોરસદ તાલુકાના નાપાવાંટા ગામના રહેવાસી હોવાનું સામે આવ્યું છે.
બે બાઈક વચ્ચે સામસામે જોરદાર ટક્કર થઈ
મળતી માહિતી અનુસાર, બોરસદ જવાના રસ્તે એક રિસોર્ટ પાસે બે બાઈક સામસામે પૂરઝડપે અથડાઈ હતી. અકસ્માત એટલો ભયાનક હતો કે બંને બાઈકના ભૂક્કા બોલી ગયા હતા.. આ દુર્ઘટનામાં ગંભીર ઈજાઓને કારણે અરમાન રાણા, સમીર રાણા અને અંસાર ઝુબેર બેલિમ નામના ત્રણ યુવાનોના નીપજ્યા છે.
પોલીસે સ્થળ પર પહોંચી કાર્યવાહી હાથ ધરી
ઘટનાની જાણ થતાં જ સ્થાનિક લોકોના ટોળાં ઉમટી પડ્યા હતા અને તાત્કાલિક પોલીસ તેમજ 108 એમ્બ્યુલન્સને જાણ કરવામાં આવી હતી. અકસ્માતમાં ઈજાગ્રસ્ત થયેલા અન્ય ત્રણ યુવાનોને તાત્કાલિક નજીકની હોસ્પિટલમાં સારવાર અર્થે ખસેડાયા હતા. પોલીસે મૃતદેહોને પોસ્ટમોર્ટમ અર્થે ખસેડી અકસ્માત અંગેનો ગુનો નોંધી વધુ તપાસ હાથ ધરી છે. એક જ ગામના ત્રણ-ત્રણ યુવાનોના અકાળે અવસાનથી નાપાવાંટા ગામમાં શોક છવાઈ ગયો હતો.
Load more
