રશિયા-યુક્રેન યુદ્ધ : રશિયાએ કિવ પર મિસાઈલ થી હુમલો કરતાં EU બિલ્ડિંગને નુકસાન,14થી વધુ લોકોના મોત 50થી વધુ ઘાયલ

રશિયા-યુક્રેન યુદ્ધ : રશિયાએ કિવ પર મિસાઈલ થી હુમલો કરતાં EU બિલ્ડિંગને નુકસાન,14થી વધુ લોકોના મોત 50થી વધુ ઘાયલ

રશિયા –યુક્રેન યુદ્ધ : રશિયા અને યુક્રેન વચ્ચે છેલ્લા 4 વર્ષથી ભયંકર યુદ્ધ ચાલી રહ્યું છે. બંનેમાંથી કોઈ પીછેહઠ કરવા તૈયાર નથી. સમાધાન કરવા પણ રાજી થતા નથી. યુ.એસ પ્રમુખ ડોનાલ્ડ ટ્રમ્પથી લઈને પીએમ મોદી સહિત અનેક વડાઓએ રશિયા-યુક્રેન યુદ્ધનો અંત લાવવા અનેક પ્રયાસ કર્યા છે. થોડા સમય પહેલા જ અમેરિકન રાષ્ટ્રપતિ ટ્રમ્પ અલાસ્કામાં રશિયન રાષ્ટ્રપતિ વ્લાદિમીર પુતિનને મળ્યા હતા. તે પછી યુક્રેનિયન રાષ્ટ્રપતિ ઝેલેન્સકીને પણ મળ્યા હતા. જોકે બંને બેઠકો અનિર્ણિત રહેતા યુદ્ધવિરામ અંગે કોઈ નક્કર નિર્ણય લઈ શકાયો ન હતો. એકબાજુ યુદ્ધ વિરામના પ્રયાસો થઈ રહ્યા છે તો બીજી તરફ રશિયાએ કિવ પર મોટો મિસાઈલ થી હુમલો કરી દીધો છે. જેમાં 14થી વધુ લોકો મૃત્યુ પામ્યા છે.

રશિયન હુમલામાં 14 લોકો માર્યા ગયા

યુદ્ધ વિરામની વાતો વચ્ચે રશિયાએ યુક્રેનની રાજધાની કિવમાં યુરોપિયન યુનિયન પ્રતિનિધિમંડળની ઇમારત પર જબરજસ્ત હુમલો કર્યો છે. યુક્રેનનું કહેવું છે કે રશિયાએ કિવ પર મોટાપાયે હુમલા કર્યા. જેમાં 14થી વધુ લોકોના મોત થયા છે તો 50 જેટલા લોકો ઘાયલ થયાનું જણાવ્યું છે. યુક્રેનના વિદેશ મંત્રી આન્દ્રે સિબિહાએ X પર એક પોસ્ટમાં જણાવ્યું હતું કે રશિયન હુમલામાં યુક્રેનમાં યુરોપિયન યુનિયન મિશનની એક ઇમારતને પણ નુકસાન થયું છે.

હુમલામાં 14 લોકોના મોત

યુક્રેન ના રાષ્ટ્રપતિ ઝેલેન્સકીએ કહ્યું કે કિવ પર રશિય દ્વારા કરાયેલા હુમલામાં 14 લોકો એ જીવ ગુમાવી દીધા હતા, જેમાં ત્રણ બાળકોનો પણ સમાવેશ થાય છે. તેમણે કહ્યું કે યુરોપિયન યુનિયનની ઇમારત સહિત ઘણી સુવિધાઓને નુકસાન થયું હતું. ‘આ રશિયન હુમલાને ફક્ત યુરોપિયન યુનિયન તરફથી જ નહીં, પણ વિશ્વભરમાં નિંદાની જરૂર છે.’ યુક્રેનમાં યુરોપિયન યુનિયનના પ્રમુખ એન્ટોનિયો કોસ્ટાએ પણ આ હુમલાની પુષ્ટિ કરી છે. હુમલામાં નુકસાન પામેલી ઇમારતનો ફોટો શેર કરતા તેમણે X પર લખ્યું, ‘યુક્રેન પર રશિયન મિસાઇલ હુમલાઓની બીજી રાત્રે હું ભયભીત છું.’

‘રશિયા યુદ્ધનો અંત લાવવા માંગતું નથી’

તેમણે કહ્યું કે રશિયા યુદ્ધનો અંત લાવવા નથી માંગતું. તે સતત નવા હુમલા કરી રહ્યું છે. કિવમાં થયેલા હુમલાથી અનેક ઇમારતોને નુકસાન થયું, રહેણાંક વિસ્તારો અને ઓફિસોને ટાર્ગેટ કરવામાં આવ્યા છે. જેમાં યુક્રેનમાં EU પ્રતિનિધિમંડળની ઈમારતને પણ નુકસાન થયું છે. રશિયાએ આ યુદ્ધ બંધ કરવું પડશે જે તેણે શરૂ કર્યું હતું અને ચાલુ રાખી રહ્યું છે.યુક્રેનિયન રાષ્ટ્રપતિ ઝેલેન્સકીએ કહ્યું કે, યુદ્ધવિરામનો ઇનકાર કરવા અને વાટાઘાટો ટાળવાના રશિયાના સતત પ્રયાસો માટે નવા અને કડક પ્રતિબંધોની જરૂર છે. રશિયા ફક્ત શક્તિ અને દબાણને સમજે છે. દરેક હુમલા માટે મોસ્કોએ પરિણામો ભોગવવા તૈયાર રહેવું પડશે.

So much for Russia’s “peace intentions”.
Tonight in #Kyiv: 8 dead, 40+ injured, #EU delegation& British Council buildings hit.

This isn’t just aggression, it’s a message.

Our answer must be decisive – sanction #Russia harder, arm #Ukraine faster. pic.twitter.com/rbQVSPvAt4

— Kęstutis Budrys (@BudrysKestutis) August 28, 2025