Related Posts
Category : National
3 વર્ષમાં PM મોદીના વિદેશ પ્રવાસ પર કેટલો ખર્ચ થયો? ખડગેના સવાલ પર સરકારે કહ્યું
કોંગ્રેસ અધ્યક્ષ અને રાજ્યસભામાં વિપક્ષના નેતા મલ્લિકાર્જુન ખડગેએ ગુરુવારે ગૃહમાં સરકાર પાસે વડાપ્રધાનના વિદેશ પ્રવાસ પર થયેલા ખર્ચની વિગતો માંગી. ખડગેએ પીએમ મોદીના છેલ્લા ત્રણ વર્ષમાં વિદેશ પ્રવાસ પર થયેલા ખર્ચનો હિસાબ માંગ્યો હતો. આના પર વિદેશ રાજ્ય મંત્રી પવિત્રા માર્ગેરિટાએ રાજ્યસભામાં કોંગ્રેસના નેતાના પ્રશ્નનો લેખિત જવાબ આપ્યો. તેમણે ગૃહમાં 2022થી 2024 દરમિયાન પીએમ મોદીના વિદેશ પ્રવાસ પર થયેલા ખર્ચની વિગતો આપી હતી.
વિદેશ રાજ્ય મંત્રી પવિત્રા માર્ગેરિતાએ એક લેખિત જવાબમાં જણાવ્યું કે પીએમ મોદીએ વર્ષ 2022 થી 2024 સુધી કુલ 38 દેશોની મુલાકાત લીધી. માર્ગેરિટાના જણાવ્યા અનુસાર, છેલ્લા ત્રણ વર્ષમાં 2022માં PMની નેપાળ મુલાકાત પર સૌથી ઓછો ખર્ચ 80 લાખ 1 હજાર 483 રૂપિયા હતો અને 2023માં તેમની અમેરિકાની મુલાકાત પર સૌથી વધુ ખર્ચ 22 કરોડ 89 લાખ 68 હજાર 509 રૂપિયા હતો. આ દરમિયાન તેમણે પૂર્વ વડાપ્રધાન સ્વર્ગસ્થ મનમોહન સિંહના વિદેશ પ્રવાસ પર થયેલા ખર્ચની વિગતો પણ શેર કરી હતી.
2023માં જાપાન પ્રવાસમાં રૂ. 17 કરોડનો ખર્ચ થયો હતો
માર્ગેરિટાએ તેના લેખિત જવાબમાં કહ્યું, ‘ડેટા અનુસાર, જૂન 2023માં મોદીની અમેરિકા મુલાકાત પર 22,89,68,509 રૂપિયા ખર્ચવામાં આવ્યા હતા, જ્યારે સપ્ટેમ્બર 2024માં તે જ દેશની તેમની મુલાકાત પર 15,33,76,348 રૂપિયા ખર્ચવામાં આવ્યા હતા. આ રેકોર્ડમાં મે 2022 માં જર્મનીની મુલાકાતથી શરૂ કરીને ડિસેમ્બર 2024 માં કુવૈતની મુલાકાત સાથે સમાપ્ત થતાં 38 થી વધુ વિદેશી પ્રવાસોનો સમાવેશ થાય છે.
જારી કરાયેલા ડેટા અનુસાર, મે 2023માં વડાપ્રધાનની જાપાન મુલાકાત પર 17,19,33,356 રૂપિયા અને મે 2022માં તેમની નેપાળની મુલાકાત પર 80,01,483 રૂપિયાનો ખર્ચ કરવામાં આવ્યો હતો. આ દરમિયાન, વિદેશ રાજ્ય મંત્રીએ 2014 પહેલા અગાઉના વડાપ્રધાનો દ્વારા કરાયેલી વિદેશ યાત્રાઓનો તુલનાત્મક ડેટા પણ આપ્યો હતો.
2011માં PMની અમેરિકા મુલાકાતનો કેટલો ખર્ચ થયો?
વિદેશ રાજ્ય મંત્રી માર્ગેરિટાએ પોતાના જવાબમાં કહ્યું કે 2011માં તત્કાલિન વડાપ્રધાન મનમોહન સિંહની અમેરિકા યાત્રા પર 10 કરોડ 74 લાખ 27 હજાર 363 રૂપિયાનો ખર્ચ થયો હતો. વર્ષ 2013માં તેમની રશિયાની યાત્રા પર 9 કરોડ 95 લાખ 76 હજાર 890 રૂપિયા, વર્ષ 2011માં તેમની ફ્રાંસની યાત્રા પર 8 કરોડ 33 લાખ 49 હજાર 463 રૂપિયા અને જર્મની પ્રવાસ પર 6 કરોડ 2 લાખ 23 હજાર 484 રૂપિયાનો ખર્ચ કરવામાં આવ્યો હતો.
Load more
