IND vs SA; ગુવાહાટીમાં ભારતીય ટીમની સૌથી મોટી હાર, 25 વર્ષ પછી સાઉથ આફ્રિકાએ ઈન્ડિયાને કર્યું વ્હાઇટવોશ!

IND vs SA; ગુવાહાટીમાં ભારતીય ટીમની સૌથી મોટી હાર, 25 વર્ષ પછી સાઉથ આફ્રિકાએ ઈન્ડિયાને કર્યું વ્હાઇટવોશ!

IND vs SA: ગુવાહાટીમાં રમાયેલી બીજી ટેસ્ટ મેચમાં સાઉથ આફ્રિકાએ ભારતને 408 રનથી હરાવ્યું. આ જીત સાથે સાઉથ આફ્રિકાએ બે ટેસ્ટ મેચની સીરિઝમાં 2-0 થી ભારતને ક્લીન સ્વીપ કર્યું. આ ભારતની સૌથી મોટી હાર છે.

મેચની પ્રથમ ઇનિંગ

સાઉથ આફ્રિકાએ ટોસ જીતીને પહેલા બેટિંગ કરવાનો નિર્ણય લીધો હતો. પહેલા બેટિંગ કરતા સાઉથ આફ્રિકાએ પ્રથમ ઇનિંગમાં 489 રન બનાવ્યા. સાઉથ આફ્રિકા માટે સેનુરન મુથુસામીએ 109 રન બનાવ્યા, જેનાથી તેઓ 489 રન સુધી પહોંચી શક્યા. ટ્રિસ્ટન સ્ટબ્સે પણ 49 રન બનાવ્યા. આ બે ઇનિંગ ઉપરાંત, કાયલ વેરેને 45 રન બનાવ્યા. ભારત માટે કુલદીપ યાદવે પ્રથમ ઇનિંગમાં 4 વિકેટ લીધી, જેમાં જાડેજાએ 2 વિકેટ લીધી. ત્યારબાદ, જ્યારે ભારતીય ટીમે પોતાનો પહેલો ઇનિંગ રમ્યો, ત્યારે તેઓ ફક્ત 201 રન જ બનાવી શક્યા. ભારતના બેટ્સમેન સંપૂર્ણ રીતે નિષ્ફળ રહ્યા. ફક્ત યશસ્વી જયવાલે સારી બેટિંગ કરી, આઉટ થયા પહેલા 58 રન બનાવ્યા. સાઉથ આફ્રિકા તરફથી માર્કો જેન્સને છ વિકેટ અને સિમોન હાર્મરે ત્રણ વિકેટ લીધી હતી. અને સાઉથ આફ્રિકાને 288 રનની લીડ મળી હતી.

મેચની બીજી ઇનિંગ

ત્યારપછી સાઉથ આફ્રિકાએ પોતાની બીજી ઇનિંગ 5 વિકેટે 260 રન પર ડિકલેર કરી, અને ભારતને 549 રનનો લક્ષ્યાંક આપ્યો. ભારત બીજી ઇનિંગમાં ફક્ત 140 રન જ બનાવી શક્યું, જેનાથી સાઉથ આફ્રિકાએ આ મેચને 408 રનના વિશાળકાય સ્કોર હરાવીથી ઐતિહાસિક વિજય મેળવ્યો. સાઉથ આફ્રિકા સામેની બીજી ઇનિંગમાં સ્પિનર સિમોન હાર્મરની છ વિકેટ, કેશવ મહારાજની બે વિકેટ અને સેનુરન મુથુસામીએ એક વિકેટ લીધી. ભારત તરફથી રવિન્દ્ર જાડેજાએ બીજી ઇનિંગમાં 54 રન બનાવ્યા.

ભારતની સૌથી મોટી ટેસ્ટ હાર

408 રન vs સાઉથ આફ્રિકા (ગુવાહાટી, 2025)

342 રન vs ઓસ્ટ્રેલિયા (નાગપુર, 2004)

341 રન vs પાકિસ્તાન (કરાચી, 2006)

337 રન vs ઓસ્ટ્રેલિયા (મેલબોર્ન, 2007)

333 રન vs ઓસ્ટ્રેલિયા (પુણે, 2017)