Related Posts
Category : National
BRICS સમિટ 2026માં આવનારા વૈશ્વિક મહેમાનોને PM મોદીનો સકારાત્મક વેલકમ મેસેજ
BRICS Summit 2026: દિલ્હીના પ્રગતિ મેદાન સ્થિત ભારત મંડપમ ખાતે 18મા BRICS શિખર સંમેલનનો આજથી પ્રારંભ થયો છે, જે 13 સપ્ટેમ્બર સુધી ચાલશે. આ વૈશ્વિક મહાસંમેલનમાં ભાગ લેવા માટે દુનિયાભરના દિગ્ગજ નેતાઓ દિલ્હી પહોંચી રહ્યા છે. વડાપ્રધાન નરેન્દ્ર મોદીએ સોશિયલ મીડિયા પર પોસ્ટ કરીને આ તમામ વૈશ્વિક મહેમાનોનું ઉષ્માભર્યું સ્વાગત કર્યું છે અને સકારાત્મક ચર્ચા થવાની પૂરી આશા વ્યક્ત કરી છે.
વડાપ્રધાન નરેન્દ્ર મોદીએ સોશિયલ મીડિયા પ્લેટફોર્મ X પર પોસ્ટ કરીને જણાવ્યું છે કે આગામી દિવસોમાં વિશ્વભરના અગ્રણી નેતાઓ BRICS સમિટ માટે એકત્ર થઈ રહ્યા છે. તેમણે વિશ્વાસ વ્યક્ત કર્યો છે કે આ સંમેલન દ્વારા વિશ્વ કલ્યાણની ભાવના સાથે વિવિધ વૈશ્વિક મુદ્દાઓ પર સકારાત્મક અને સાર્થક ચર્ચાઓ કરવામાં આવશે. આ સાથે જ પીએમ મોદીએ એક પ્રાચીન સંસ્કૃત શ્લોક ટાંકીને સારા લોકોની સંગતિ રાખવા, તેમજ સજ્જનો સાથે સંવાદ અને મિત્રતા સ્થાપિત કરવાનો મહત્ત્વપૂર્ણ સંદેશ પણ આપ્યો છે.
Load more
