Related Posts
Category : Gujarat
ગુજરાતમાં ફરી મેઘતાંડવ: કચ્છના માંડવીમાં આભ ફાટ્યું, બે કલાકમાં 5 ઈંચ વરસાદ; સૌરાષ્ટ્રમાં પણ ઍલર્ટ
Gujarat Heavy Rainfall: ગુજરાતમાં મેઘરાજા ફરી એકવાર રૌદ્ર સ્વરૂપ ધારણ કરી રહ્યા છે, જેમાં ખાસ કરીને કચ્છ જિલ્લામાં આજે (15મી સપ્ટેમ્બર) સવારથી જ તોફાની બેટિંગ જોવા મળી રહી છે. કચ્છના માંડવી તાલુકામાં સવારે 8થી 10 વાગ્યાના માત્ર બે જ કલાકના સમયગાળામાં 5 ઈંચથી વધુ ખાબકેલા ભારે વરસાદને કારણે સમગ્ર પંથકમાં જળબંબાકારની સ્થિતિ સર્જાઈ છે.
કચ્છના અન્ય તાલુકાઓમાં પણ મેઘમહેર
સ્ટેટ ઈમરજન્સી ઓપરેશન સેન્ટર (SEOC), ગાંધીનગર દ્વારા જાહેર કરવામાં આવેલા આંકડા અનુસાર, સવારે 8 થી 10 વાગ્યા દરમિયાન રાજ્યના 25 તાલુકાઓમાં વરસાદ નોંધાયો હતો. જેમાં માંડવીમાં સૌથી વધુ 5 ઈંચ ઉપરાંત કચ્છના મુન્દ્રામાં 0.79 ઈંચ, ભુજમાં 0.59 ઈંચ, નખત્રાણામાં 0.39 ઈંચ, લખપતમાં 0.35 ઈંચ, ગાંધીધામમાં 0.24 ઈંચ અને અંજારમાં 0.20 ઈંચ વરસાદ વરસ્યો હતો. આ સિવાય પોરબંદર, ઓખામંડળ, સુરત શહેર, કોડિનાર, જામનગર, રાણાવાવ, જાફરાબાદ અને ગીર સોમનાથના વિસ્તારોમાં પણ હળવો વરસાદ નોંધાયો છે.
Load more
