વાયરલ વીડિયોમાં કિંજલ રબારી કહી રહી છે, તેણીએ સોશિયલ મીડિયામાં પોતાના પતિ વિરુદ્ધ લખાણ જોયું હતું. પરંતુ આ વિરોધ યોગ્ય નથી, કારણ કે, આ લગ્ન કરતા પહેલા પોતાના પરિવારને અવાર નવાર સમજાવ્યા હતા, છતાં તેઓએ સહમત ન થતા તેણીએ પોતે પોતાના પ્રેમી અશોક ચૌઘરીને આ વાતની જાણ કરી હતી. જે બાદ અશોક ચૌધરી આ તેને આવીને લઈ ગયો હતો અને બાદમાં બંનેએ લગ્ન કરી લીધા છે.
આટલું જ નહીં, સિંગર કિંજલ રબારીએ વધુમાં વાયરલ વીડિયોમાં કહ્યું કે, હાલ આ મામલે સમાજના લોકો ભારે વિરોધ કરી રહ્યા છે અને તેને બદનામ કરવામાં આવી રહી છે, જેથી તેને અને તેના પતિને હાલ જીવનું જોખમ છે. જેથી તેઓને હાલ સુરક્ષાની જરૂર છે, ત્યારે તેણીએ પોલીસ પાસે પ્રોટેકશન માગ્યું છે. સાથે જ લગ્નને લઈ મને અને મારા પતિને લઈ પણ થશે તો તેની સંપૂર્ણ જવાબદારી પરિવારની રહેશે, તેવું વાયરલ વીડિયોમાં સ્પષ્ટ જણાવ્યું છે.
નોંધનીય છે કે, આ પહેલા ગુજરાતી સિંગર કિંજલ દવેએ અન્ય જ્ઞાતિના યુવક સાથે સગાઈ કરતા તથા સિંગર આરતી સાંગાણીએ બીજી જ્ઞાતિમાં લગ્ન કરતા વિવાદનો મધપૂછો છંછેડાયો હતો. આ બંને સામે આ આંતરજ્ઞાતિય જીવનસાથી બાબતે પોત પોતાના સમાજે બાંયો ચઢાવી હતી અને હાલ આવી જ એક સિંગર કિંજલ રબારીએ આંતરજ્ઞાતિય લગ્ન કરતા ફરી એકવાર વિવાદના વંટોળ ઉઠી રહ્યા છે, ત્યારે હવે જોવું રહ્યું કે આ મામલે આગામી સમયમાં શું નવો વળાંક સામે આવે છે.
