યુક્રેનને નાટોમાં પ્રવેશ નહીં! રિપોર્ટમાં દાવો - પુતિન સાથે મુલાકાત બાદ ટ્રમ્પે ઝેલેન્સકી કહ્યું કે...

યુક્રેનને નાટોમાં પ્રવેશ નહીં! રિપોર્ટમાં દાવો – પુતિન સાથે મુલાકાત બાદ ટ્રમ્પે ઝેલેન્સકી કહ્યું કે…

અમેરિકાએ યુક્રેન માટે સુરક્ષા ગેરંટીનો પ્રસ્તાવ મૂક્યો છે, જે નાટો સભ્ય દેશો વચ્ચેના સંયુક્ત સંરક્ષણ કરાર જેવો છે. જોકે, આ નાટોમાં જોડાવા જેવું નહીં હોય. આ દરમિયાન યુએસ પ્રમુખ ડોનાલ્ડ ટ્રમ્પ, યુક્રેનના રાષ્ટ્રપતિ વોલોડીમીર ઝેલેન્સ્કી અને યુરોપિયન નેતાઓએ પણ ફોન પર વાત કરી હતી.

સમાચાર એજન્સી AFPના અહેવાલ મુજબ, ઇટાલીના વડા પ્રધાન જ્યોર્જિયા મેલોની અને એક રાજદ્વારીએ જણાવ્યું હતું કે ટ્રમ્પની ઝેલેન્સ્કી અને યુરોપિયન નેતાઓ સાથેની વાતચીત પુતિન સાથેની શિખર સંમેલન પછી થઈ હતી. રાજદ્વારી સૂત્રોએ જણાવ્યું હતું કે અમેરિકાએ યુક્રેન માટે સુરક્ષા ગેરંટી તરીકે નોન-નાટો કલમ-5 જેવી ગેરંટીનો પ્રસ્તાવ મૂક્યો છે.

પુતિન યુએસ પ્રસ્તાવ સાથે સંમત છે – રિપોર્ટ

અહેવાલ મુજબ, રશિયન રાષ્ટ્રપતિ પુતિને પણ આ પ્રસ્તાવ પર પોતાની સંમતિ દર્શાવી છે. મેલોનીએ એક નિવેદનમાં કહ્યું હતું કે આ પ્રસ્તાવનો મુખ્ય ઉદ્દેશ્ય સામૂહિક સુરક્ષાને વ્યાખ્યાયિત કરવાનો હતો જેથી યુક્રેન અમેરિકા સહિત તેના તમામ સાથીઓના સમર્થનનો લાભ મેળવી શકે. તેમણે કહ્યું કે જો રશિયા ફરીથી હુમલો કરે છે, તો યુક્રેન કાર્યવાહી માટે તૈયાર રહેવું જોઈએ.

યુક્રેનને નાટો જેવી સુરક્ષા આપવા અંગે ચર્ચા

અમેરિકી રાષ્ટ્રપતિ ટ્રમ્પે વારંવાર પશ્ચિમી દેશોના લશ્કરી જોડાણ નાટોમાં યુક્રેનમાં જોડાવાની શક્યતાને નકારી કાઢી છે. અલાસ્કામાં બેઠક પહેલા, ટ્રમ્પે ઝેલેન્સકીને ફોન કર્યો અને સંયુક્ત સુરક્ષા પ્રસ્તાવનો મુદ્દો ઉઠાવ્યો. આ પછી, ટ્રમ્પે યુરોપિયન દેશો સાથેની વાતચીતમાં તેનો પુનરોચ્ચાર કર્યો.

અહેવાલ મુજબ, આ બાબત પર નજર રાખતા અન્ય એક સ્ત્રોતે પુષ્ટિ કરી છે કે યુક્રેનને નાટો જેવી સુરક્ષા ગેરંટી અંગે ચર્ચા થઈ છે. તેમણે કહ્યું, “હાલમાં કોઈને ખબર નથી કે આ પ્રસ્તાવ કેવી રીતે કાર્ય કરશે અને પુતિન તેના માટે કેમ સંમત થયા છે, જ્યારે તેઓ સ્પષ્ટપણે નાટોની વિરુદ્ધ છે.”