રશિયાએ યુક્રેન પર ખતરનાક ICBM મિસાઇલ થી કર્યો વાર, પહેલી વખત કર્યો મિસાઇલનો ઉપયોગ

રશિયાએ યુક્રેન પર ખતરનાક ICBM મિસાઇલ થી કર્યો વાર, પહેલી વખત કર્યો મિસાઇલનો ઉપયોગ

રશિયાએ 21 નવેમ્બરે સવારે 5 થી 7 વાગ્યાની વચ્ચે ICBM મિસાઈલ વડે યુક્રેનિયન શહેર Dnipro પર હુમલો કર્યો હતો. આ યુદ્ધમાં પહેલીવાર ઇન્ટરકોન્ટિનેન્ટલ બેલેસ્ટિક મિસાઇલોથી હુમલો કરવામાં આવ્યો હતો. આ માટે રશિયાએ RS-26 રુબેઝ મિસાઈલનો ઉપયોગ કર્યો હોવાની શક્યતા છે. જેના પર આસ્ટ્રાખાન વિસ્તારમાંથી ફાયરિંગ કરવામાં આવ્યું હતું.યુક્રેનની વાયુસેનાએ આ હુમલાની પુષ્ટિ કરી છે. આ મિસાઈલ સિવાય હાઈપરસોનિક અને KH-101 ક્રૂઝ મિસાઈલથી પણ હુમલો કરવામાં આવ્યો હતો. યુક્રેનિયન એરફોર્સે પુષ્ટિ કરી છે કે તેમની મહત્વપૂર્ણ સંસ્થાઓ, ઇમારતો અને માળખાને નુકસાન થયું છે. આ હુમલામાં બિન-પરમાણુ હથિયારોનો ઉપયોગ કરવામાં આવ્યો છે.

રશિયાએ ક્રૂઝ મિસાઇલો છોડવા માટે તેના લાંબા અંતરના બોમ્બર Tu-95MS નો ઉપયોગ કર્યો છે. આ બોમ્બરોએ વોલ્ગોગ્રાડ વિસ્તારમાંથી ઉડાન ભરી હતી. જ્યારે કિંજલ હાઇપરસોનિક મિસાઇલોને તામ્બોવ વિસ્તારમાંથી ઉડાડવામાં આવેલા મિગ-31 કે ફાઇટર જેટમાંથી છોડવામાં આવી હતી.દરમિયાન, રશિયાએ દાવો કર્યો છે કે તેની હવાઈ સંરક્ષણ પ્રણાલીએ બે બ્રિટિશ સ્ટોર્મ શેડો મિસાઈલોને તોડી પાડી છે. આ મિસાઇલો યુક્રેન દ્વારા રશિયા તરફ છોડવામાં આવી હતી. પ્રથમ વખત, યુક્રેને આ મિસાઈલનો ઉપયોગ રશિયા સામે કર્યો.

આ મિસાઈલનું વજન 36 હજાર કિલોગ્રામ છે. તેમાં એક સાથે 150/300 કિલોટનના ચાર શસ્ત્રો સ્થાપિત કરી શકાય છે. એટલે કે આ મિસાઈલ MIRV ટેક્નોલોજીથી સજ્જ છે. એટલે કે તે એક સાથે ચાર ટાર્ગેટ પર હુમલો કરી શકે છે. આ મિસાઈલ એવન્ગાર્ડ હાઈપરસોનિક ગ્લાઈડ વાહન લઈ જવા માટે પણ સક્ષમ છે. આનો અર્થ એ છે કે હુમલો વધુ મજબૂત બની શકે છે.આ મિસાઈલની રેન્જ લગભગ 6000 કિલોમીટર છે. આ મિસાઈલ 24,500 કિમી પ્રતિ કલાકની ઝડપે લક્ષ્ય તરફ આગળ વધે છે. મતલબ કે દુનિયાની કોઈપણ એર ડિફેન્સ સિસ્ટમ માટે તેને રોકવું શક્ય નથી. તેને રોડ-મોબાઈલ લોન્ચરથી ફાયર કરી શકાય છે.