ભારત આવશે જો બાઇડન, 4 દિવસ રોકાઇ શકે છે ભારતમાં

ભારત આવશે જો બાઇડન, 4 દિવસ રોકાઇ શકે છે ભારતમાં

અમેરિકી રાષ્ટ્રપતિ જો બાઇડેન જી-20 સમિટના બે દિવસ પહેલા 7 સપ્ટેમ્બરે ભારત પહોંચશે. આ પહેલીવાર હશે જ્યારે કોઈ અમેરિકન રાષ્ટ્રપતિ ચાર દિવસ માટે ભારતમાં હશે. G-20 સમિટ 9 અને 10 સપ્ટેમ્બરે યોજાશે.

બાઇડેનની આ પ્રથમ ભારત મુલાકાત છે. ખાસ વાત એ છે કે બાઇડેન ઈન્ડોનેશિયામાં આયોજિત આસિયાન સમિટમાં ભાગ લેશે નહીં, કારણ કે તેમણે ભારતના પ્રવાસને વધુ મહત્ત્વ આપ્યું છે. વ્હાઇટ હાઉસે મંગળવારે મોડી રાત્રે કહ્યું કે ઉપરાષ્ટ્રપતિ કમલા હેરિસ બાઇડેનની જગ્યાએ આસિયાનમાં હાજરી આપશે.

દિલ્હીમાં 3 દિવસની રજા રહેશે
G-20ના કારણે દિલ્હી સરકારે 8 થી 10 સપ્ટેમ્બર સુધી જાહેર રજા જાહેર કરી છે. તમામ ખાનગી ઓફિસો, મોલ અને બજારો બંધ રહેશે. તમામ શાળાઓમાં 3 દિવસની રજા રહેશે. જોકે, દિલ્હી પોલીસે સરકારને G-20 સમિટને લઈને જાહેર રજા રાખવાની ભલામણ કરી હતી. આ પછી દિલ્હી સરકારે આ નિર્ણય લીધો છે.

મીડિયા રિપોર્ટ્સ અનુસાર, ખાનગી ઓફિસોને ઘરેથી કામ કરવાની સૂચના આપી શકાય છે. આ દરમિયાન મેટ્રો સેવા ચાલુ રહેશે. જો કે સુરક્ષાને ધ્યાનમાં રાખીને સુપ્રીમ કોર્ટ, ખાન માર્કેટ, મંડી હાઉસ જેવા કેટલાક મેટ્રો સ્ટેશન બંધ રાખવામાં આવી શકે છે.

બે દિવસ પહેલા ભારત પહોંચશે

વ્હાઇટ હાઉસ દ્વારા જાહેર કરવામાં આવેલા નિવેદનમાં કહેવામાં આવ્યું છે કે રાષ્ટ્રપતિ બાઇડેન જી-20 સમિટની શરૂઆતના બે દિવસ પહેલા ભારત પહોંચશે અને આ પ્રવાસ લગભગ ચાર દિવસનો હશે. આ દરમિયાન બાઇડેન અને વડાપ્રધાન બે વખત વાતચીત કરી શકે છે.
અમેરિકી સરકાર આ મુલાકાતને ઘણું મહત્ત્વ આપી રહી છે. આ દરમિયાન વ્યાપાર અને સંરક્ષણ સિવાય સાયબર સિક્યોરિટી સંબંધિત કેટલાક મહત્ત્વના કરારો થઈ શકે છે. 2026માં અમેરિકામાં G-20 સમિટ યોજાશે. વડાપ્રધાન મોદી તેમની અધ્યક્ષતા રાષ્ટ્રપતિ બાઇડેનને સોંપશે.

રશિયા-યુક્રેન યુદ્ધ સહિત અનેક મુદ્દાઓ પર ચર્ચા થશે
ન્યૂઝ એજન્સી એએફપીના અહેવાલ અનુસાર, વ્હાઇટ હાઉસના રાષ્ટ્રીય સુરક્ષા સલાહકાર જેક સુલિવને કહ્યું કે, બાઇડેનની આ મુલાકાત દરમિયાન રશિયા-યુક્રેન યુદ્ધ, જળવાયુ પરિવર્તન અને ગરીબીનો સામનો કરવા માટે વિશ્વ બેંકની ક્ષમતા વધારવા પર ચર્ચા થશે. જી-20 સમિટ દરમિયાન વ્યાપાર અને સંરક્ષણ ઉપરાંત ભારત અને અમેરિકા વચ્ચે સાયબર સુરક્ષા સાથે સંબંધિત કેટલાક મહત્ત્વપૂર્ણ કરાર થઈ શકે છે.

એક નજરમાં G-20

યુરોપિયન યુનિયન મળીને G-20 ની રચના કરે છે. આમાં 20 દેશોના વડાઓની વાર્ષિક બેઠક યોજાય છે, જેને G-20 સમિટ તરીકે ઓળખવામાં આવે છે. આ કોન્ફરન્સમાં તમામ દેશોના મુખ્ય વિષયો એટલે કે આતંકવાદ, આર્થિક મુશ્કેલીઓ, ગ્લોબલ વોર્મિંગ, સ્વાસ્થ્ય અને અન્ય મહત્ત્વપૂર્ણ મુદ્દાઓ પર ચર્ચા કરવામાં આવી છે. આ G20 દેશો સમગ્ર વિશ્વમાં આર્થિક ઉત્પાદનમાં 80% યોગદાન આપે છે.
G-20માં આર્જેન્ટિના, ઓસ્ટ્રેલિયા, બ્રાઝિલ, કેનેડા, ચીન, જર્મની, ફ્રાન્સ, ભારત, ઇન્ડોનેશિયા, ઇટાલી, જાપાન, મેક્સિકો, રશિયા, સાઉદી અરેબિયા, દક્ષિણ આફ્રિકા, દક્ષિણ કોરિયા, તુર્કી, યુનાઇટેડ કિંગડમ, યુનાઇટેડ સ્ટેટ્સ અને યુરોપિયન યુનિયનનો સમાવેશ થાય છે.