Related Posts
Category : National
બંગાળમા ગ્રામજનોએ ઇવીએમ મશીન જ પાણીમા ફેકી દીધુ જાણો કારણ
પશ્ચિમ બંગાળમાં સાતમા અને અંતિમ તબક્કાના મતદાન દરમિયાન ઘણી જગ્યાએથી અથડામણના અહેવાલો સામે આવી રહ્યા છે. જયનગર લોકસભા સીટના કુલટાલીમાં મતદાન કરવા જતા અટકાવાયા બાદ રોષે ભરાયેલા ગ્રામજનોએ મતદાન મથકમાંથી ઈવીએમ છીનવીને તળાવમાં ફેંકી દીધા હતા. આ ઘટના કુલતાલીના મેરીગંજ નંબર 2 ઝોનના બૂથ નંબર 40 અને 41માં બની હતી. દરમિયાન, ઘટનાની માહિતી મળતા જ પોલીસ ઘટનાસ્થળે પહોંચી ગઈ હતી, જો કે ટીમને રસ્તામાં જ અટકાવી દેવામાં આવી હતી.
આરોપ છે કે રોડની વચ્ચે ઝાડની ડાળીઓ ફેંકીને પોલીસ વાહનને અટકાવવામાં આવ્યું હતું. ભાજપના ઉમેદવાર અશોક કંડારીએ આક્ષેપ કર્યો હતો કે તૃણમૂલ વિપક્ષી એજન્ટોને બેસવા દેતી નથી. તેમણે ચૂંટણી પંચ અને કેન્દ્રીય દળો પર પણ આક્ષેપ કર્યો હતો.
ભાજપનો દાવો છે કે સવારથી ભાજપના કાર્યકરોના એક વર્ગને બેસવા પણ દેવાયા નથી. તેને એટલી હદે માર મારવામાં આવ્યો હતો કે તે ઉઠી શકતો ન હતો. પોલીસ આવી અને કંઈ કરી શકી નહીં. ગ્રામજનોએ એવી પણ ફરિયાદ કરી હતી કે તૃણમૂલ સમર્થિત બદમાશોએ તેમને મતદાન કરતા અટકાવ્યા હતા.મતદાન સવારે 7 વાગ્યાથી શરૂ થવાનું હતું, પરંતુ મેરીગંજ ઝોન 2ના બૂથ 40 અને 41 પર મતદાન ખોરવાઈ ગયું હતું. બાદમાં વૈકલ્પિક ઈવીએમ લાવીને ત્યાં મતદાન શરૂ કરાયું હતું. ઉલ્લેખનીય છે કે પંચાયતની ચૂંટણી દરમિયાન રાજ્યમાં ઘણી જગ્યાએ આવું દ્રશ્ય જોવા મળ્યું હતું. ત્યાં મતપેટી પાણીમાં ફેંકી દીધી હતી.
Load more
