Related Posts
Category : Sports
T20 WorldCup News – પાકિસ્તાન સુપર 8થી બહાર,USA નો પ્રવેશ
પાકિસ્તાન T20 વર્લ્ડ કપ 2024 માંથી બહાર થઈ ગયું છે અને યુએસએ અને આયર્લેન્ડ વચ્ચેની મેચ વરસાદને કારણે ધોવાઈ ગઈ છે. આ સાથે યજમાન અમેરિકાએ ઈતિહાસ રચીને સુપર-8માં પોતાની જગ્યા બનાવી છે. T20 વર્લ્ડ કપ લીગ સ્ટેજમાંથી બહાર થઈ જતાં પાકિસ્તાનને બેવડો ફટકો પડ્યો છે. ટૂર્નામેન્ટની શરૂઆતની મેચમાં યુએસએ સામે જે હારનો સામનો કરવો પડ્યો હતો તે હવે આગામી બે વર્ષ સુધી ડંખશે. વાસ્તવમાં, આ વર્ષે સુપર-8માં ન પહોંચવાને કારણે પાકિસ્તાનને બે વર્ષ પછી યોજાનારા ટી20 વર્લ્ડ કપ 2026માં સીધી એન્ટ્રી નહીં મળે. હા, પાકિસ્તાને ભારતમાં યોજાનાર T20 વર્લ્ડ કપ 2026નો ભાગ બનવા માટે પહેલા ક્વોલિફાયર મેચ રમવી પડશે. પાકિસ્તાન ક્વોલિફાયર જીત્યા બાદ જ ટૂર્નામેન્ટનો ભાગ બની શકશે.
તમને જણાવી દઈએ કે, નિયમો અનુસાર, T20 વર્લ્ડ કપ 2024ના સુપર-8માં પહોંચનારી ટીમોને આગામી T20 વર્લ્ડ કપ માટે સીધી ક્વોલિફિકેશન માટે ટિકિટ મળશે. આ યાદીમાં ભારત, ઓસ્ટ્રેલિયા અને વેસ્ટ ઈન્ડિઝ જેવી મોટી ટીમો સાથે યુએસએનું નામ પણ સામેલ કરવામાં આવ્યું છે.
અત્યાર સુધી, ભારત, ઓસ્ટ્રેલિયા, વેસ્ટ ઈન્ડિઝ, યુએસ, અફઘાનિસ્તાન અને દક્ષિણ આફ્રિકા 2024ના T20 વર્લ્ડ કપના સુપર-8 માટે ક્વોલિફાય થયા છે. આ યાદીમાં હજુ બે ટીમોના નામ ઉમેરવાના બાકી છે.
Load more
