Related Posts
Category : Gujarat
દિવાળી પૂર્વે જ ST માં દોઢ લાખથી વધુ ટિકીટો બુક!
એડવાન્સ – ઓનલાઈન બુકીંગમાં ધસારો : પંચમહાલ અને સુરતથી સૌરાષ્ટ્રનાં લોકોનું સૌથી વધુ બુકીંગ : અમદાવાદ – વડોદરા – સ્ટેચ્યુ ઓફ યુનિટીનાં રૂટો દિવાળી સુધીનાં પેક થઈ ગયા!
રાજકોટ, તા.29
દિવાળી પૂર્વે જ એસટી નિગમમાં દિવાળી દેખાવા લાગી છે અને પોતાના વતન તરફ જવા માંગતા લોકો અને વિવિધ સ્થળે ફરવા જવા માંગતા મુસાફરોએ એડવાન્સ અને ઓનલાઈન બુકીંગ માટે ભારે ધસારો શરૂ કરી દીધાનું એસટી વિભાગનાં સુત્રોમાંથી જાણવા મળી રહ્યું છે.
સૂત્રોમાંથી પ્રાપ્ત થતી વધુ વિગતો મુજબ દિવાળીને હજુ એક સપ્તાહ બાકી છે. તે પૂર્વે જ 1.50 લાખથી વધુ ટિકીટોનું એડવાન્સ અને ઓનલાઈન બુકીંગ થઈ ગયું છે. ખાસ કરીને રાજયનાં જુદા જુદા જિલ્લાઓમાં શ્રમિક તરીકે કામ કરતા પંચમહાલ જિલ્લાના લોકોનું સૌથી વધુ એડવાન્સ બુકીંગ થયું છે. આ ઉપરાંત સુરતમાં કામ ધંધો કરતા સૌરાષ્ટ્રનાં લોકો પણ વતન તરફ આવવા માટે મોટી માત્રામાં એડવાન્સ બુકીંગ કરાવી રહ્યા છે અને હજુ પણ આ ધસારો વધશે.
તેમજ અત્યારે અમદાવાદ, વડોદરા અને સ્ટેચ્યુ ઓફ યુનિટી માટે પણ બુકીંગમાં ભારે ધસારો છે. રાજકોટથી જ ઉપરોકત રૂટો માટે દિવાળીના દિવસ સુધીનાં બુકીંગ અત્યારથી જ થઈ ગયા છે.
અત્રે ઉલ્લેખનીય છે કે એસ.ટી નિગમ એ રાજ્યમાં વિવિધ વાર-તહેવાર તથા ધાર્મિક મેળાઓમાં વધારાની.બસ સર્વિસોનું સંચાલન કરી રાજ્યની જનતાને પોતાના પરિવાર સાથે તહેવાર ઉજવવા પરિવહન સેવા પુરી પાડે છે.
આગામી દિવાળીના તહેવારો દરમિયાન નિગમના સુરત ઉપરાંત અન્ય તમામ વિભાગો દ્વારા દર વર્ષની જેમ એક્સ્ટ્રા બસોનું સંચાલન કરવામાં આવનાર છે. રાજ્યના સૌરાષ્ટ્ર પ્રદેશ અને તેમાં પણ ખાસ કરીને ભાવનગર, અમરેલી, જુનાગઢ અને રાજકોટ જિલ્લાઓ ના રત્નકલાકારો સુરતમાં નોકરી/વ્યવસાય અર્થે સ્થાયી થયેલ છે, કે જેઓ દિવાળીના તહેવારમાં માદરે વતન તરફ પ્રવાસ કરે છે.
જે મોટી સંખ્યામાં પ્રવાસ કરતા સૌરાષ્ટ્ર વાસીઓ તથા રાજ્યની અન્ય જનતા માટે સુરતથી ખાસ એક્સ્ટ્રા બસોનું આયોજન હાથ ધરાયુ છે. નિગમના ધ્વારા તા-04/11/ થી તા-07/11/ સુધીના દિવાળીના તહેવારો દરમ્યાન સૌરાષ્ટ્ર તરફના રત્નકલાકારો, પંચમહાલ તરફના મુસાફરો, ઉત્તર ગુજરાતના મુસાફરો માટે મુખ્યત્વે સુરત ખાતેથી તેમજ નિગમના અન્ય વિભાગો ધ્વારા પણ સદર સમયગાળા દરમ્યાન રેગ્યુલર બસ સર્વિસો ઉપરાંત વધારાની કુલ 4000 જેટલી બસોના એક્સ્ટ્રા સંચાલનની વ્યવસ્થા કરેલ છે.
જેના થકી 8000 થી વધુ એક્સ્ટ્રા ટ્રીપોનું સંચાલન કરી સૌરાષ્ટ્ર તેમજ અમદાવાદ રાજકોટ વડોદરા મહેસાણા પાટણ પાલનપુર તરફના મુસાફરોને ગંતવ્ય સ્થાને પહોચાડવાનું આયોજન છે.
આ સમયગાળા દરમ્યાન નિગમ દ્વારા કરવામાં આવનાર એક્સ્ટ્રા સંચાલન અન્વયેની સર્વીસોનું નિગમની વિભાગીય કચેરીના ડેપો ખાતેથી તથા નિગમની વેબસાઈટ www.gsrtc.in ઉપરથી તમામ મુસાફરો એડવાન્સ અને કરંટ ઓનલાઈન બુકિંગનો લાભ મેળવી શકશે
Load more
Live Cricket Score
-
![]()
માઈક્રોસોફ્ટ, મર્સિડીઝ-બેન્ઝ અને સ્કાયડાન્સ કર્મચારીઓને નોકરી છોડવાની ઓફર કરે છે, જાણો કારણ
29 Oct, 2026 -
![]()
30 October:હોરર, ક્રાઈમ થ્રિલરથી લઈને રોમાન્સ સુધી, આ શુક્રવારે OTT પર ફુલ ઓન એન્ટરટેનમેન્ટ
29 Oct, 2026 -
![]()
કોંગ્રેસ પોતાના શાસન હેઠળના રાજ્યમાં હારી ગઈ, 0 MLC બેઠકો જીતી; ચૂંટણીઓ બેલેટ પેપર દ્વારા યોજાઈ હતી.
28 Oct, 2026 -
![]()
અમિત શાહ સામેના માનહાનિના કેસમાં રાહુલ ગાંધી નિર્દોષ જાહેર, સુલતાનપુર કોર્ટે ચુકાદો સંભળાવ્યો
26 Oct, 2026 -
![]()
19 ફૂટ ને 90 કિલોના અજગર સાથે કુસ્તી!:અમેરિકન ઈન્ફ્લુએન્સરે શેર કર્યો અજગર સાથે મોતના મુકાબલાનો VIdeo
18 Oct, 2026
-
![]()
World Stroke Day: સ્ટ્રોકના લક્ષણો દેખાય પછી દરેક મિનિટ કિંમતી હોય છે, વિલંબ જીવન માટે જોખમી બની શકે છે.
29 Oct, 2026 -
![]()
દિવાળી પૂર્વે જ ST માં દોઢ લાખથી વધુ ટિકીટો બુક!
29 Oct, 2026 -
![]()
તમારા ખિસ્સા પર સીધી અસર! 1 નવેમ્બરથી આ નિયમો બદલાઈ રહ્યા છે, LPG સિલિન્ડરથી લઈને ફાસ્ટેગ સુધી મોટા ફેરફારો.
29 Oct, 2026 -
![]()
IPL 2027: મુંબઈ ઈન્ડિયન્સે લસિથ મલિંગાને કર્યુ ટાટા બાયબાય.
29 Oct, 2026 -
![]()
માઈક્રોસોફ્ટ, મર્સિડીઝ-બેન્ઝ અને સ્કાયડાન્સ કર્મચારીઓને નોકરી છોડવાની ઓફર કરે છે, જાણો કારણ
29 Oct, 2026
