ફ્રાન્સના રાષ્ટ્રપતિની પત્નિ પર ટ્રાન્સજેન્ડર હોવાનો આરોપ

ફ્રાન્સના રાષ્ટ્રપતિ ઈમેન્યુએલ મેક્રોનને જ્યારથી વર્ષ 2017માં રાષ્ટ્રપતિ તરીકે ચૂંટાઈને આવ્યા છે ત્યારથી તેમને અવારનવાર તેમની પત્ની બ્રિગિટ મેક્રોન સાથેના દામ્પત્ય જીવનને લઈને નિશાન બનાવવામાં આવે છે. ફ્રાન્સના રાષ્ટ્રપતિ ઈમેન્યુએલ મેક્રોન અને તેમની પત્ની બ્રિગિટ મેક્રોન વચ્ચે અંદાજે 25 વર્ષનો તફાવત છે. બ્રિગિટ ઈમેન્યુએલ કરતા 25 વર્ષ મોટા છે. ઈમેન્યુએલ મેક્રોન સ્કૂલમાં હતા ત્યારે બ્રિગિટ તેના સ્કૂલ ટીચર હતા અને મેક્રોન ત્યારથી તેમના પ્રેમમાં પડ્યા હતા જે બાદ બંનેએ લગ્ન કરી લીધા છે. જો કે તેમની ઉમરના આ તફાવતને લઈને તેમને ટ્રોલર્સ દ્વારા અવારનવાર ટ્રોલ કરવામાં આવે છે. જો કે મેક્રોન દંપતી દ્વારા ક્યારેય આ અંગે પ્રતિક્રિયા સામે આવી નથી. પરંતુ હવે ફ્રાન્સના જ એક દક્ષિણપંથી પોડકાસ્ટર કેન્ડેસ ઓવેન્સે એવો દાવો કર્યો છે કે બ્રિગિટ એક ટ્રાન્સજેન્ડર છે અને તે એક પુરુષ તરીકે જન્મી હતી. પરંતુ બાદમાં તે સેક્સ ચેન્જ કરાવીને મહિલા બની ગઈ છે. એવામાં બ્રિગિટ મેક્રોને પણ આ દાવાને જૂઠો સાબિત કરવાનું નક્કી કર્યુ છે અને તેમણે પોડકાસ્ટર કેન્ડેસ ઓવેન્સ વિરુદ્ધ અમેરિકી કોર્ટમાં માનહાનિનો કેસ દાખલ કર્યો છે. આ કેસને જીતવા માટે બ્રિગિટે ખુદને સ્ત્રી સાબિત કરવાની રહેશે.

સ્કૂલ ટીચરથી ફ્રાન્સના પ્રેસિડેન્સની પત્ની બનવાની સફર

બ્રિગિટ એક સ્કૂલ ટીચર તરીકે કાર્યરત હતા અને એમિયેન્સની એક ખાનગી સ્કૂલમાં ફ્રેન્ચ ભાષા અને નાટ્યકલાનું ભણાવવાનું કામ કરતાં. આ સ્કૂલમાં જ તેમણે પોતાના કરતાં 24 વર્ષ નાના વિદ્યાર્થીઓ ઇમેન્યુઅલ મેક્રોનને ભણાવ્યા હતા, જેમણે આગળ જઇને ફ્રાંસના રાષ્ટ્રપતિ બનવાનું મહત્ત્વાકાંક્ષી સપનું સાકાર કર્યું. બ્રિગિટ અને ઇમેન્યુઅલ વચ્ચેના સંબંધની શરૂઆત સ્કૂલ દરમ્યાન થઈ હતી, જેને કારણે બંનેના જીવનમાં ઘણાં પડકારો અને ટકરાવો આવ્યા. અનેક વર્ષોની મિત્રતા અને આત્મીયતા પછી બ્રિગિટે 2006માં પોતાના પહેલા પતિથી છૂટાછેડા લીધા. ત્યારબાદ, 20 ઓક્ટોબર 2007ના રોજ તેમણે ઇમેન્યુઅલ મેક્રોન સાથે લગ્ન કર્યા. આ લગ્નના સમયેઇમેન્યુઅલ 29 વર્ષના હતા અને બ્રિગિટ 54 વર્ષની. તેમના સંબંધને અનેકવાર ફ્રાંસિસી મીડિયા અને ફ્રાંસિસી સમાજ દ્વારા વિચીત્ર રીતે જોવામાં આવે છે, પરંતુ તેમ છતાં બંનેએ પોતાના સંબંધને મજબૂતીથી આગળ વધાર્યો છે. આજે બ્રિગિટ માત્ર રાષ્ટ્રપતિની પત્ની જ નથી, પરંતુ ફ્રાન્સના જાહેર જીવનમાં એક સક્રિય, બૌદ્ધિક અને સાહિત્યપ્રેમી મહિલાના રૂપમાં પણ ઓળખાય છે.

બ્રિગિટ મેક્રોન પર અત્યાર સુધી લાગેલા આરોપ

અફવાઓ પર જો નજર કરીએ તો બ્રિગિટ મેક્રોન જીન-મિશેલ ટોગ્નેક્સ નામના પુરુષના રૂપે જન્મી હતી. બ્રિગીટ મેક્રોન તેના પહેલા લગ્ન દ્વારા ત્રણ વયસ્ક બાળકોની માતા છે. તેઓ ઈમેન્યુએલ મેક્રોન કરતા 24 વર્ષ નાના છે અને ઉમરના આ અંતરને લઈને તેમની ટીકા પણ કરવામાં આવે છે. બ્રિગિટ મેક્રોનનું વ્યક્તિગત જીવન ઘણુ રસપ્રદ રહ્યુ છે. તેમણે પહેલા લગ્ન એન્ડ્રે-લૂઈ ઓઝિએર નામના એક બેન્કર સાથે 1974માં કર્યા હતા. આ લગ્નથી તેમને ત્રણ સંતાન છે, સેબાસ્ટિયન, લોરન્સ અને તિફેને.

બ્રિગીટ મેક્રોનના વકીલે શું કહ્યુ?

BBC ફેમ અંડર ફાયર પોડકાસ્ટ પર બોલતા મેક્રોનના વકીલ ટોમ ક્લેયરે કહ્યુ કે બ્રિગીટને અમેરિકી પોડકાસ્ટરના ટ્રાન્સજેન્ડર વાળો દાવો અત્યંત વ્યથિત કરી દેનારો લાગ્યો છે. અને આ ફ્રાંસિસી રાષ્ટ્રપતિનું ધ્યાન ભટકાવનારો હતો. ક્લેયરે કહ્યુ, હું એવુ નથી કહેવા માગી કે આ ઘટના દ્વારા તેઓ કોઈ રીતે

બીબીસીના ફેમ અંડર ફાયર પોડકાસ્ટ પર બોલતા, મેક્રોનના વકીલ, ટોમ ક્લેરે, જણાવ્યું હતું કે બ્રિગીટને અમેરિકન પોડકાસ્ટરના દાવા ‘અત્યંત ડિસ્ટરબિંગ’ લાગ્યો અને ફ્રેન્ચ રાષ્ટ્રપતિનું ધ્યાન ભટકાવનારો હતો. ક્લેરે સ્પષ્ટ કર્યુ, “હું એમ કહેવા માંગતી નથી કે આ ઘટનાએ તેમને કોઈપણ રીતે અસર કરી છે. પરંતુ જેમ કોઈ પણ વ્યક્તિ પોતાની કારકિર્દી અને પારિવારિક જીવનને સંતુલિત કરી રહી છે, તેમ જ્યારે તમારા પરિવાર પર હુમલો થાય છે, ત્યારે તે તમને પરેશાન કરે છે. અને તે તેનાથી મુક્ત નથી કારણ કે તે એક દેશના રાષ્ટ્રપતિ છે.”

પુરુષવાળા દાવાથી મેક્રોન દંપતી પરેશાન

ક્લેરે પુષ્ટિ કરી કે મેક્રોન દંપતી દાવાનું ખંડન કરતા અન્ય પુરાવાની સાથોસાથ વૈજ્ઞાનિક પ્રકૃતિના નિષ્ણાત પુરાવા રજૂ કરવાની તૈયારી કર્યુ છે. તેમણે કહ્યુ કે આ વિચારવું અતિ ચિંતાજનક છે કે તમારે આવા પુરાવા રજૂ કરવા માટે પોતાને સમર્પિત કરવું પડશે,” તેણીએ કહ્યું.”પરંતુ બ્રિગીટ આમ કરવા તૈયાર છે. તે આ કેસ સાબિત કરવા માટે શક્ય તેટલું બધું કરવા માટે કટિબદ્ધ છે.”

કેન્ડેસ ઓવેન્સ કોણ છે?

ઓવેન્સ રૂઢિચુસ્ત અમેરિકન મેગેઝિન ડેઇલી વાયર માટે પૂર્વ કમેન્ટેટર રહી ચુકી છે. સોશિયલ મીડિયા પર તેના લાખો ફોલોઅર્સ છે. તેણીએ ભૂતપૂર્વ રાષ્ટ્રપતિ ડોનાલ્ડ ટ્રમ્પનું ખુલ્લેઆમ સમર્થન કર્યું છે અને વારંવાર તેમને એક ‘બહાદુર નેતા’ તરીકે રજૂ કર્યા છે. કેન્ડેસ ઓવેન્સે ઘણીવાર કહ્યું છે કે “Black Lives Matter” જેવી આંદોલન પ્રવૃત્તિઓ અસલી મુદ્દાઓથી ધ્યાન ભટકાવે છે. આ માટે તેણી ટીકા સાથે સાથે દક્ષિણપંથી સમર્થન પણ મેળવ્યું છે. બીબીસીના અહેવાલ મુજબ, તેણીએ વારંવાર બ્રિગિટ મેક્રોન એક પુરુષ હોવાના દાવાને પ્રોત્સાહન આપ્યું છે. માર્ચ 2024 માં, તેણીએ જાહેરાત પણ કરી હતી કે તે આ દાવા પર તેની ‘સંપૂર્ણ વ્યાવસાયિક પ્રતિષ્ઠા’ દાવ પર લગાવી દેશે.

મેક્રોને ડેલાવેરમાં દાખલ કર્યો માનહાનિનો કેસ

મેક્રોન પરિવારે જુલાઈમાં ડેલવેર કોર્ટમાં માનહાનિનો કેસ દાખલ કર્યો હતો, જેમાં ઓવેન્સ પર “વિચિત્ર, અપમાનજનક અને પાયાવિહોણા” જુઠ્ઠાણા ફેલાવવાનો આરોપ મૂકવામાં આવ્યો હતો. મુકદ્દમામાં આરોપ મૂકવામાં આવ્યો છે કે તેમણે “જાણીતા ષડયંત્ર સિદ્ધાંતવાદીઓ અને સિદ્ધ થયેલા માનહાનિ કરનારાઓને મંચ દેવાના પક્ષમાં તેમના દાવાઓને રદિયો આપતા તમામ વિશ્વસનીય પુરાવાઓને અવગણ્યા.” જો કે, આ કાનૂની કાર્યવાહી છતાં, ઓવેન્સ તેમના પાયાવિહોણા દાવા પર અડગ રહ્યા, અને દાવો કર્યો કે કેસ સુનાવણી સુધી પહોંચે તે પહેલાં જ બ્રિજિટ મેક્રોનનો મહિલા હોવાનો દાવો ખોટો સાબિત થશે.