Related Posts
Category : Sports
AUS vs PAK: પાકિસ્તાને ઓસ્ટ્રલીયાને તેના જ ઘરમાં હરાવી સિરિઝ 1-1 થી સરભર કરી
ઓસ્ટ્રેલિયા અને પાકિસ્તાન વચ્ચે રમાઈ રહેલી ત્રણ મેચની ODI શ્રેણીની બીજી મેચ એડિલેડ ઓવલ સ્ટેડિયમમાં રમાઈ હતી. આ મેચમાં પાકિસ્તાને જોરદાર વાપસી કરી અને પહેલા બોલ અને પછી બેટથી શાનદાર પ્રદર્શન કર્યું અને ઓસ્ટ્રેલિયાને 9 વિકેટે હરાવ્યું. આ સાથે પાકિસ્તાને શ્રેણી 1-1થી જીતી લીધી છે.
ઓસ્ટ્રેલિયાની નબળી બેટિંગ
પ્રથમ બેટિંગ કરતા ઓસ્ટ્રેલિયન ટીમ માત્ર 163 રનમાં સમેટાઈ ગઈ હતી. જવાબમાં પાકિસ્તાને માત્ર એક વિકેટ ગુમાવીને 26.3 ઓવરમાં આ સિદ્ધિ મેળવી હતી. કાંગારૂ બેટ્સમેનો પાકિસ્તાની ફાસ્ટ બોલર હારીસ રઉફની વિનાશક બોલિંગ સામે ઝઝૂમી ગયા હતા. ટીમ માટે સ્ટીવ સ્મિથે સૌથી વધુ રન (35) બનાવ્યા હતા. ઓસ્ટ્રેલિયાની પહેલી વિકેટ જેક ફ્રેઝર મેકગર્ક (13)ના રૂપમાં પડી હતી. તેને શાહીન શાહ આફ્રિદીએ એલબીડબલ્યુ આઉટ કર્યો હતો. મેથ્યુ શોટ (19) સાતમી ઓવરમાં રન બનાવીને આફ્રિદીનો શિકાર બન્યો હતો.
સ્મિથ સિવાય બધા ફ્લોપ થયા.
જોશ ઈંગ્લિસ (18), માર્નસ લાબુશેન (6), એરોન હાર્ડી (14), ગ્લેન મેક્સવેલ (16), કેપ્ટન પેટ કમિન્સ (13) અને એડમ ઝમ્પા (18) રન બનાવીને આઉટ થયા હતા. રઉફ અને આફ્રિદીએ ઓસ્ટ્રેલિયાને 35 ઓવરમાં 163 રનમાં આઉટ કરી દીધું હતું. આ સાથે જ પાકિસ્તાનને જીતવા માટે 164 રનનો ટાર્ગેટ મળ્યો છે. પાકિસ્તાન તરફથી હરિસ રઉફે આઠ ઓવરમાં 29 રન આપીને પાંચ વિકેટ લીધી હતી. શાહીન શાહ આફ્રિદીએ આઠ ઓવરમાં 26 રન આપીને ત્રણ વિકેટ ઝડપી હતી. નસીમ શાહ અને મોહમ્મદ હસનૈને એક-એક બેટ્સમેનને આઉટ કર્યા હતા.
પાકિસ્તાને લક્ષ્યનો પીછો કર્યો હતો
લક્ષ્યનો પીછો કરતી વખતે પાકિસ્તાનની શરૂઆત શાનદાર રહી હતી. ઓપનર અબ્દુલ્લા શફીક અને સૈમ અયુબે મળીને પ્રથમ વિકેટ માટે 137 રન જોડ્યા હતા. પાકિસ્તાનની એકમાત્ર વિકેટ અયુબના રૂપમાં પડી હતી. તે સ્પિનર એડમ જમ્પાને જોશ હેઝલવુડના હાથે કેચ આઉટ કરાવ્યો હતો. અયુબે 71 બોલમાં પાંચ ચોગ્ગા અને છ છગ્ગાની મદદથી 82 રન બનાવ્યા હતા.
શફીકની અડધી સદી
અયુબના આઉટ થયા બાદ શફીક અને પૂર્વ કેપ્ટન બાબર અઝાને શાનદાર બેટિંગ કરી અને ટીમને ટાર્ગેટથી આગળ લઈ ગયા. શફીકે 69 બોલમાં ત્રણ છગ્ગા અને ચાર ચોગ્ગાની મદદથી અણનમ 64 રન બનાવ્યા હતા. જ્યારે બાબર 20 બોલમાં 15 રન બનાવીને અણનમ રહ્યો હતો. મેલબોર્ન ક્રિકેટ ગ્રાઉન્ડ (MCG) ખાતે રમાયેલી પ્રથમ ODI મેચમાં ઓસ્ટ્રેલિયાએ 2 વિકેટે જીત મેળવી હતી. આવી સ્થિતિમાં પર્થમાં રમાનાર છેલ્લી વનડે મેચ નિર્ણાયક બની રહેશે. આ મેચ 10 નવેમ્બરે રમાશે.
Load more
