Related Posts
Category : National
મેટાના (Meta) કર્મચારીઓની સવારે આંખ ખુલી અને નોકરી ગુમાવવાનો મેઇલ જોયો, 8 હજાર કર્મચારીઓને છુટા કર્યા
મેટાએ(Meta) મોટા પાયે છટણી શરૂ કરી છે, 20 મેના રોજ સવારે 4 વાગ્યે ઘણા લોકોને ઇમેઇલ મોકલીને નોકરીમાંથી કાઢી નાખવાની જાહેરાત કરી છે. આ માહિતી મીડિયા રિપોર્ટ્સમાંથી પ્રાપ્ત થઈ છે. અગાઉના અહેવાલોમાં એવો પણ દાવો કરવામાં આવ્યો હતો કે કંપની 20 મેના રોજ મોટા પાયે છટણી કરશે. મેટા(Meta) તેના વૈશ્વિક કાર્યબળના 10 ટકા એટલે કે લગભગ 8,000 કર્મચારીઓને છટણી કરશે. કંપનીએ તેની સિંગાપોર સ્થિત ટીમ સાથે આ શરૂઆત કરી છે. બ્લૂમબર્ગના અહેવાલ મુજબ સિંગાપોરમાં સ્થાનિક સમય મુજબ સવારે 4 વાગ્યે લોકોને ઇમેઇલ મળ્યો હતો.માર્ક ઝુકરબર્ગ આર્ટિફિશિયલ ઇન્ટેલિજન્સ (AI) માં નોંધપાત્ર રોકાણ કરવાની યોજના ધરાવે છે, અને આ વર્ષે તેઓ અબજો ડોલરનું રોકાણ કરવાની પણ યોજના બનાવી રહ્યા છે. મેટા અહેવાલ આપે છે કે વિશ્વભરમાં તેના આશરે 78,000 કર્મચારીઓ છે.
મેટાના(Meta) ચીફ પીપલ ઓફિસર, જેનેલા ગેલે, એક ઇન-હાઉસ મેમોમાં જણાવ્યું હતું કે 8,000 નોકરીઓ દૂર કરવા ઉપરાંત, કંપની લગભગ 7,000 કર્મચારીઓને નવી AI ટીમમાં ખસેડી રહી છે. કંપનીનું ધ્યાન હવે નાની ટીમો બનાવવા પર છે.છટણીના અહેવાલો બાદ, મેટાએ ગયા મહિને પુષ્ટિ આપી હતી કે તે લગભગ 8,000 લોકોને છટણી કરવાની યોજના બનાવી રહી છે, જેના કારણે કર્મચારીઓનું મનોબળ ઘટી ગયું છે.મેટાના સીઈઓ માર્ક ઝુકરબર્ગે કંપની માટે AI ને ટોચની પ્રાથમિકતા આપી છે. હકીકતમાં, મેટાને ગૂગલ અને ઓપનએઆઈ જેવી કંપનીઓ સાથે તાલમેલ રાખવા માટે AI સ્તરે નવીનતા લાવવાની જરૂર છે. ગયા મહિને જ, મેટાએ(Meta) જાહેરાત કરી હતી કે તે આ વર્ષે AI માં $125 બિલિયન થી $145 બિલિયન વચ્ચે રોકાણ કરવાની યોજના ધરાવે છે.
Load more
