ચાંદીએ તોડ્યા રેકોર્ડ
બીજી તરફ, ચાંદીમાં આવેલી તેજીએ રોકાણકારોને સ્તબ્ધ કરી દીધા છે. MCX પર ચાંદી ₹364821 ના સ્તરે ખૂલીને જોતજોતામાં ₹377655 ના હાઈ લેવલ પર પહોંચી ગઈ હતી. અગાઉના ₹356279 ના બંધ ભાવ સામે અત્યારે ચાંદી ₹376922 પર ટ્રેડ થઈ રહી છે, જે 5.79% નો સીધો ઉછાળો દર્શાવે છે. વૈશ્વિક બજારમાં ચાંદી $107.61 ના સ્તરે પહોંચી છે, જે તેની અત્યાર સુધીની સૌથી ઊંચી કિંમત છે.
બજારના નિષ્ણાતોના મતે, આંતરરાષ્ટ્રીય સ્તરે ચાલી રહેલા ભૌગોલિક તણાવ અને ડોલરના મૂલ્યમાં ફેરફારને કારણે રોકાણકારો સુરક્ષિત રોકાણ તરીકે સોના-ચાંદી તરફ વળ્યા છે. એક જ દિવસમાં સોનામાં ₹5000 અને ચાંદીમાં ₹21000 થી વધુનો આ ઉછાળો (ઓપનથી હાઈ) ઈતિહાસમાં વિરલ માનવામાં આવે છે.
