6 મહિનામાં 2004 કોલ, 238 કલાક વાતો... મંગેતરની હત્યા કરનાર સિયાના રહસ્યએ બધાને ચોંકાવ્યા!

6 મહિનામાં 2004 કોલ, 238 કલાક વાતો… મંગેતરની હત્યા કરનાર સિયાના રહસ્યએ બધાને ચોંકાવ્યા!

પોતાના પતિ રાજા રઘુવંશીની હત્યા કરનારી સોનમ જેવું ખતરનાક પુણેની સિયાએ કર્યું છે. બંને હત્યાકાંડમાં ઘણી સમાનતાઓ છે. માત્ર 20 વર્ષની સિયાએ પોતાના મગરના આંસુઓથી પરિવારજનોને તો છેતરી દીધા, પરંતુ પોલીસની સામે તે ન બની શકી. તપાસ દરમિયાન અનેક ચોંકાવનારા ખુલાસા થયા છે. જાણો સિયા અને તેના બોયફ્રેન્ડે કઈ રીતે આ હત્યાકાંડને અંજામ આપ્યો.

પુણેના કેતન હત્યાકાંડે દેશને હચમચાવી દીધો છે. કેતનની મંગેતર સિયાએ પોતાના બોયફ્રેન્ડ ચેતનની સાથે મળી જે રીતે હત્યાનો પ્લાન કર્યો, તે પોલીસને પણ ચોંકાવી રહ્યો છે. દરેક ઘટના બાદ કાતિલ કોઈને કોઈ પુરાવા છોડી જાય છે. આ કેસમાં પણ તેવું થયું. પોલીસે એક એક કડી જોડવાનું શરૂ કર્યું તો તપાસ સીધી સિયા સુધી પહોંચી. તપાસમાં સામે આવ્યું કે સિયા ગોયલ અને તેના બોયફ્રેન્ડ ચેતન ચૌધરી વચ્ચે 6 મહિનામાં 2004 વખત કોલ થયા છે. બંને વચ્ચે આ દરમિયાન કુલ 238 કલાક વાતચીત થઈ છે. હવે આ ફોન કોલ્સમાં શું વાત થાય છે, કેતનના મોત બાદ સામે આવી રહ્યું છે.

માત્ર 20 વર્ષની સિયા કેટલી શાતિર હતી, તેનો અંદાજ કેતનની હત્યા માટે બનાવવામાં આવેલા તેના પ્લાનથી થાય છે. સિયાએ હત્યા માટે અનેક પ્લાન બનાવ્યા હતા. તેની પોતાના બોયફ્રેન્ડ ચેતનની સાથે ફોન પર લાંબી વાતચીત થતી હતી. પોલીસે જ્યારે તપાસ વધારી તો સામે આવ્યું કે સિયા અને ચેતન વચ્ચે 1 જાન્યુઆરીથી જૂન સુધી 6 મહિનામાં કુલ 2004 કોલ થયા છે. આ દરમિયાન કુલ 238 કલાકની વાતચીતમાં બંનેએ કેતનની હત્યાનો માસ્ટરપ્લાન બનાવ્યો હતો.

પહાડો પર ચઢવાનો શોખીન હતો કેતન
19 જૂને હત્યાવાળા દિવસ પહેલા પણ સિયાએ કેતનનો જીવ લેવાનો પ્રયાસ કર્યો હતો. કેતનને તે લોહાગઢ કિલ્લા લઈ ગઈ. પહાડોનો શોખીન કેતનને પણ તે સારૂ લાગ્યું હશે. તેને ક્યાં ખબર હતી કે તે જેની સાથે લગ્ન કરવાનો છે, તે તેનો જીવ લેવા તૈયાર છે. શિખર પર પહોંચ્યા તો તેણે કેતનને ધક્કો મારી દીધો. પરંતુ તે દિવસે કેતનના નસીબ સારા હતા. તેના હાથ ઝાડીમાં આવી ગયા, જેનાથી તે લટકી ગયો. ઉપર આવવા પર સિયાએ સાપ આવી ગયો, સાપ આવી ગયો તે કહી કેતનને ગળે લગાવી લીધો અને ખુદ પર શંકા ન થવા દીધી. તેણે કેતન સામે એવું વ્યક્ત કર્યું કે સાપથી બચાવવા માટે કેતનને ધક્કો માર્યો. પ્રેમમાં કેતનને સિયાના આ ષડયંત્રનો અંદાજ ન આવી શક્યો

હત્યા માટે તૈયાર હતો બેકઅપ પ્લાન
હવે આગામી પ્લાન પર કામ કરવાનો સમય આવી ગયો હતો. હવે 20 જૂને સિયાનો જન્મદિવસ હતો. તેની ઉજવણી કરવા માટે સિયાએ ફરી લોહાગઢની પસંદગી કરી. બોયફ્રેન્ડ ચેતનને પણ પહેલાથી બોલાવી લેવામાં આવ્યો. કેતન સિયા સાથે જન્મદિવસની ઉજવણી કરવા લોહાગઢ ગયો. આ વખતે ભાગ્ય કેતન સાથે નહોતું. સિયાએ ફરી ધક્કો માર્યો અને આ વખતે કેતન આશરે 400 ફૂટ નીચે ખીણમાં પડી ગયો. સિયાની માતાએ કેતનના ખીણમાં પડી જવાની વાત તેના પરિવારજનોને જણાવી.

સિયાનો હતો શાતિર પ્લાન
સિયા શાતિર તો હતો, પરંતુ એક્ટિંગ કરવામાં પણ માસ્ટર હતી. તેણે મગરના આંસુ શરૂ કર્યાં કે શરૂઆતમાં કોઈને શંકા ગઈ નહીં. કેતનના મોત બાદ જ્યારે તેની બહેને સિયા સાથે વાત કરી તો તેને કેટલીક વાતો પર શંકા ગઈ. વાત પોલીસ સુધી પહોંચી. અહીંથી તપાસની દિશા બદલાઈ ગઈ. પોલીસે સિયાના કોલની ડિટેલ કાઢી. તેમાં ખુલાસો થયો કે સિયા અને તેના બોયફ્રેન્ડ ચેતન વચ્ચે 1 જાન્યુઆરીથી સતત વાત થતી હતી. બંને કેતનને રસ્તામાંથી હટાવવાનો પ્લાન બનાવતા હતા.

બોયફ્રેન્ડે ફોન સાથે ન રાખ્યો
સિયા જેટલી શાતિર હતી, તેનો બોયફ્રેન્ડ પણ એટલો ચાલાક હતો. ચેતન હત્યાના દિવસે પોતાનો ફોન દુકાને રાખી પોતાના કર્મચારીનો ફોન લઈને ગયો હતો. પોલીસે 19 જૂને ચેતનને કોલ કરનાર દરેક કોલરની પૂછપરછ કરી. બધાએ જણાવ્યું કે 19 જૂને તેનો ફોન રિવીસ ન થઈ શક્યો. તેના કર્મચારી સાથે વાત થઈ. પોલીસની શંકા વધુ મજબૂત બની. ભીષણ ગરમીમાં ચેતને ચહેરો છુપાવવા માટે હુડી પહેર્યું હતું, પરંતુ સીસીટીવી ફુટેજમાં પોલીસે તેને લોહાગઢમાં જોઈ લીધો. પોલીસે પોતાના અંદાજમાં પૂછપરછ કરી તો બંને ભાંગી પડ્યા. લોહાગઢ પોલીસ ચાર્જશીટ ફાઈલ કરવા માટે પુરાવા એકત્ર કરી રહી છે. હવે ક્રાઇમ સીન રી-ક્રિએટ થશે. પોલીસે આ કેસને અરીસાની જેમ સ્પષ્ટ કરી દીધો છે.