Related Posts
Category : Gujarat
ભાવનગર જિલ્લામાં અત્યાર સુધીની સૌથી મોટી કાર્યવાહી, કરોડોનો ગાંજો અને અફીણ મળ્યું
Bhavnagar : ભાવનગરથી એક મોટા સમાચાર સામે આવ્યા છે. વાસ્તવમાં ભાવનગર જિલ્લામાં અત્યાર સુધીની સૌથી કાર્યવાહી સામે આવી છે. વિગતો મુજબ શિહોર નજીકના સખાવદર ગામની સીમ વિસ્તારમાં દરોડા દરમિયાન મોટા પાયે લીલા ગાંજા અને અફીણનું વાવેતર ઝડપાયું છે. જિલ્લાની અત્યાર સુધીની આ સૌથી મોટી નશીલા પદાર્થોની કાર્યવાહી ગણાઈ રહી છે.
વિગતો મુજબ પોલીસને મળેલી બાતમીના આધારે વાડી વિસ્તારમાં દરોડો પાડવામાં આવ્યો હતો. તપાસ દરમિયાન અંદાજે 1100 કિલોગ્રામ જેટલો લીલો ગાંજો અને અફીણની ખેતી મળી આવી. જપ્ત કરાયેલા પાકની અંદાજિત બજાર કિંમત 10.50 કરોડ રૂપિયાથી વધુ હોવાનું જણાવાયું છે. સમગ્ર મુદ્દામાલ કબ્જે લઈને કાયદેસરની કાર્યવાહી શરૂ કરવામાં આવી છે.
બે ભાઈઓની ધરપકડ
આ ગેરકાયદેસર ખેતી ચલાવતા બે ભાઈઓને પોલીસે ઝડપી પાડ્યા છે. પ્રાથમિક તપાસ મુજબ લાંબા સમયથી અહીં નશીલા પદાર્થોની ખેતી ચાલી રહી હોવાની શંકા વ્યક્ત થઈ રહી છે. હાલ ગુજરાત પોલીસની ટીમ દ્વારા વધુ પૂછપરછ અને તપાસ હાથ ધરવામાં આવી રહી છે.
Load more
