કિશોરીની માતા બીમાર હતી
ઘટનાના દિવસે કિશોરીની માતા બીમાર હોવાના કારણે હોસ્પિટલમાં દાખલ હતી અને પિતા પણ તેમની સાથે હોસ્પિટલ ગયા હતા. કિશોરી ઘરે એકલી હોવાનું જાણીને યુવક ઘરમાં ઘૂસ્યો હતો. પરંતુ થોડા સમયમાં જ પિતા પરત ફરી આવતા યુવતી ગભરાઈ ગઈ હતી. તપાસ કરતા રૂમમાં યુવક મળી આવ્યો હતો. પિતાએ ઠપકો આપીને યુવકના સગાને જાણ કરી અને બહારથી રૂમનો દરવાજો બંધ કરી દીધો હતો.
થોડા સમય પછી યુવકના સગા ત્યાં પહોંચ્યા અને દરવાજો ખોલતા અંદર 17 વર્ષીય યુવક પંખે સાડી બાંધી ગળાફાંસો ખાધેલી હાલતમાં મળી આવ્યો. ઘટનાથી બંને પરિવારોમાં શોક છવાઈ ગયો છે. ચિલોડા પોલીસ સ્થળ પર પહોંચી તપાસ હાથ ધરી છે અને પરિજનોના નિવેદનો નોંધ્યા છે. હાલ પ્રાથમિક તબક્કે અકસ્માતે મોતનો ગુનો નોંધવામાં આવ્યો છે. બોર્ડ પરીક્ષાઓ દરમિયાન બનેલી આ ઘટના શહેરમાં ચર્ચાનો વિષય બની છે.
