Related Posts
Category : National
ભારતમાં જબરજસ્ત પ્લાન લાવ્યું એપલ, નોકરીની સાથે સાથે રહેવા માટે ઘર પણ આપશે કંપની
આઇફોન મેકર કંપની એપલ હવે ભારત તરફ મીટ માંડી રહી છે. કંપની તેના ડિવાઇસના પ્રોડક્શન માટે ભારતને નવું સ્થળ બનાવી રહી છે. ભારતમાં એપલે છેલ્લા ત્રણ વર્ષમાં 1,50,000 લોકોને નોકરી આપી છે. હવે એપલે ભારતમાં ચીન અને વિયેતનામની જેમ ઈન્ડસ્ટ્રીયલ હાઉસિંગ મોડલ અપનાવવાની તૈયારી કરી છે. આ મોડલ અંતર્ગત એપલના કોન્ટ્રાક્ટ મેન્યુફેક્ચર્સ અને સપ્લાયર્સ કર્મચારીઓને રહેવા માટે આવાસ પણ આપશે. જે પબ્લિક-પ્રાઇવેટ પાર્ટનરશિપ (PPP) મોડલ હેઠળ બનાવવામાં આવશે. યોજના હેઠળ 78,000થી વધુ યુનિટનું નિર્માણ કરવામાં આવશે. તેમાંથી મહત્તમ 58,000 યુનિટ્સનું ઉત્પાદન તમિલનાડુમાં થશે.
એપલની આ યોજનામાં કેન્દ્ર સરકાર પણ 10-15 ટકા આર્થિક સહાય પ્રદાન કરશે. જ્યારે બાકીનું ફંડ રાજ્ય સરકાર અને વેપારીઓ પાસેથી આવશે. આ હાઉસિંગ પ્રોજેક્ટ 31 માર્ચ, 2025 સુધીમાં પૂર્ણ થવાની આશા છે. મોટાભાગના હાઉસિંગ એકમો તમિલનાડુ સ્ટેટ ઇન્ડસ્ટ્રીઝ પ્રમોશન કોર્પોરેશન (SIPCOT) દ્વારા બનાવવામાં આવી રહ્યા છે. ટાટા ગ્રુપ અને એસપીઆર ઈન્ડિયા પણ મકાનો બનાવી રહ્યા છે.
વધશે કર્મચારીઓની કાર્યક્ષમતા
ઈકોનોમિક ટાઈમ્સના એક અહેવાલ અનુસાર, ફોક્સકોન, ટાટા અને સાલકોમ્પ સહિત Appleના અન્ય ઘણા કોન્ટ્રાક્ટ ઉત્પાદકો અને સપ્લાયર્સ તેમના કર્મચારીઓ માટે ઘર બનાવવાની યોજના બનાવી રહ્યા છે. આ બાબતની જાણકારી ધરાવતા લોકોનું કહેવું છે કે, ભારતમાં પ્રથમ વખત કર્મચારીઓ માટે આટલો મોટો હાઉસિંગ પ્રોજેક્ટ એક જ જગ્યાએ ખાસ કરીને મહિલા કર્મચારીઓ માટે બન્યો છે. તેમણે કહ્યું કે, મોટાભાગના કામદારો ભાડાના આવાસમાં રહે છે અને ફેક્ટરી સુધી પહોંચવા માટે બસોમાં કલાકો સુધી મુસાફરી કરે છે. ઘણા કર્મચારીઓ પણ મહિલાઓ છે, જેના કારણે સુરક્ષા સંબંધિત સમસ્યાઓ પણ સર્જાય છે.
ફોક્સકોનને મળશે 35 હજાર મકાનો
એપલની ભારતમાં સૌથી મોટી આઇફોન સપ્લાયર ફોક્સકોન છે. એપલની આ હાઉસિંગ સ્કીમમાં ફોક્સકોનને 35,000 મકાનો મળશે. ફોક્સકોન હાલમાં 41,000 કર્મચારીઓને રોજગારી આપે છે, જેમાંથી 75 ટકા મહિલાઓ છે. ભારતમાં કંપનીની ઓફિસ તમિલનાડુના શ્રીપેરુમ્બુદુરમાં સ્થિત છે. ટાટા ઈલેક્ટ્રોનિક્સ તેની હોસુર ફેક્ટરીમાં તેના કર્મચારીઓ માટે 11,500 એકમોનું ઉત્પાદન કરી રહી છે. ટાટા મુખ્યત્વે સ્થાનિક ઉપયોગ અને નિકાસ માટે આઇફોનનું ઉત્પાદન કરે છે.
Load more
