Related Posts
Category : National
બિશ્નોઈ ગેંગે લીધી બાબા સિદ્દીકીની હત્યાની જવાબદારી,સલમાન ખાનને લઈને આપ્યું આ નિવેદન
બાબા સિદ્દીકીની હત્યાની જવાબદારી લોરેન્સ બિશ્નોઈ ગેંગે લીધી છે. લોરેન્સ વિશ્નોઈ ગેંગે સોશિયલ મીડિયા પર પોસ્ટ કરીને આ વાત જણાવી હતી. જો કે એજન્સીના સૂત્રો કહે છે કે હવે આની ચકાસણી કરવી પડશે. એબીપી ન્યૂઝ આવી પોસ્ટની પુષ્ટિ કરતું નથી. બિશ્નોઈ ગેંગ દ્વારા સોશિયલ મીડિયા પર આ પોસ્ટ કરવામાં આવી છે.
રાષ્ટ્રવાદી કોંગ્રેસ પાર્ટી (NCP)ના નેતા અને મહારાષ્ટ્રના પૂર્વ મંત્રી બાબા સિદ્દીકીની શનિવારે (12 ઓક્ટોબર 2024) રાત્રે મુંબઈના બાંદ્રા ઈસ્ટ વિસ્તારમાં ત્રણ લોકોએ ગોળી મારીને હત્યા કરી દીધી હતી. આ ઘટના નિર્મલ નગરમાં કોલગેટ ગ્રાઉન્ડ પાસે બાબા સિદ્દીકીના પુત્ર ઝીશાન સિદ્દીકીની ઓફિસની બહાર બની હતી, ત્યારબાદ બંને આરોપીઓની તાત્કાલિક ધરપકડ કરવામાં આવી હતી.
નિર્મલ નગરમાં કોલગેટ ગ્રાઉન્ડ પાસે બાબા સિદ્દીકીના પુત્ર અને ધારાસભ્ય જીશાન સિદ્દીકીની ઓફિસની બહાર બનેલી આ ઘટના બાદ તરત જ બે લોકોની ધરપકડ કરવામાં આવી હતી. બાબા સિદ્દીકીને ગોળી માર્યા બાદ તેમને લીલાવતી હોસ્પિટલમાં લઈ જવામાં આવ્યા હતા, જ્યાં તેમને મૃત જાહેર કરવામાં આવ્યા હતા. મુંબઈના એક અગ્રણી મુસ્લિમ નેતા બાબા સિદ્દીકી સલમાન ખાન, શાહરૂખ ખાન અને સંજય દત્ત સહિત ઘણા બોલિવૂડ સ્ટાર્સની નજીક હોવાનું પણ જાણીતું છે.
બિશ્નોઈ ગેંગની એક ફેસબુક પોસ્ટમાં કહેવામાં આવ્યું છે કે, “ઓમ જય શ્રી રામ, જય ભારત.” પોસ્ટમાં આગળ લખ્યું છે કે, “જીવનનો સાર સમજું છું, શરીર અને સંપત્તિને ધૂળ સમજું છું. કરેલુ એજ સત્કર્મ હતું જે,મિત્રતાનો ધર્મ નિભાવ્યો હતો. બિશ્નોઈ ગેંગે ફેસબુક પોસ્ટમાં કહ્યું, સલમાન ખાન, અમે આ યુદ્ધ ઇચ્છતા ન હતા. પરંતુ તેં અમારા ભાઈને નુકસાન પહોંચાડ્યું. આજે જે બાબા સિદ્દીકની શાલીનતાના વખાણ થઈ રહ્યા છે અથવા એક સમયે તે દાઉદ સાથે મકોકા એક્ટ હેઠળ હતો. તેના મૃત્યુનું કારણ અનુજ થાપન અને દાઉદને બોલિવૂડ, રાજકારણ, પ્રોપર્ટી ડીલિંગ સાથે જોડવાનું હતું. ગેંગના સભ્યએ પોસ્ટમાં લખ્યું, અમારી કોઈની સાથે દુશ્મની નથી. પરંતુ જે કોઈ સલમાન ખાન અને દાઉદ ગેંગને મદદ કરે છે, તેનો હિસાબ કિતાબ રાખવામાં આવશે. જો કોઈ અમારા ભાઈઓનેા ખતમ કરાવશે, તો અમે ચોક્કસ પ્રતિક્રિયા આપીશું. અમે ક્યારેય પહેલો હુમલો કર્યો નથી. જય શ્રી રામ જય ભારત.સલામ શહીદ નુ.
પોલીસે અત્યાર સુધીમાં ત્રણ શૂટરોની ઓળખ કરી લીધી છે અને માસ્ટરમાઇન્ડને શોધી રહી છે. જો કે, ગેંગ દાવો કરે છે કે બાબા સિદ્દીકીનું કથિત “શાલિનતાપણું” એક ભ્રમથી વધારે કંઈ ન હતું, અને તેનો ભૂતકાળમાં દાઉદ ઈબ્રાહિમ સાથે MCOCA એક્ટમાં સંડોવણીના પુરાવા છે. બિશ્નોઈ ગેંગનો એવો પણ દાવો છે કે જે કોઈ સલમાન ખાન અને દાઉદની ગેંગને મદદ કરશે તેને તેની કિંમત ચૂકવવી પડશે. તેમનું નિવેદન પોલીસ માટે નવા પડકારો રજૂ કરે છે, કારણ કે ગેંગે ચેતવણી આપી છે કે જો કોઈ તેમના “ભાઈ” ને નુકસાન પહોંચાડશે તો તેઓ ચોક્કસપણે પ્રતિક્રિયા આપશે. દાઉદ ઈબ્રાહિમ અને અનુજ થાપન સાથે સિદ્દીકીની કથિત નિકટતાને કારણે આ મામલો હવે રાજકીય અને બોલિવૂડ જગત સાથે જોડાયેલો બની ગયો છે. તે જોવાનું રસપ્રદ રહેશે કે પોલીસ આ કેસને કેવી રીતે ઉકેલે છે, ખાસ કરીને જ્યારે ગેંગની સોશિયલ મીડિયા પ્રવૃત્તિ અને સલમાન ખાનના ફિલ્મ કનેક્શન્સ પ્રકાશમાં આવી રહ્યા છે.
Load more
