Related Posts
Category : Sports
ટીમ ઇન્ડિયાને મળશે નવો કોચ, રાહુલ દ્વવિડ નહી કરે ફરી અરજી જાણો કારણ
ભારતીય ક્રિકેટ ટીમના મુખ્ય કોચ તરીકે રાહુલ દ્રવિડનો કાર્યકાળ ICC T20 વર્લ્ડ કપ 2024 પછી સમાપ્ત થઈ રહ્યો છે. આવી સ્થિતિમાં ભારતીય ક્રિકેટ કંટ્રોલ બોર્ડ (BCCI)એ આ પદ ભરવાની પ્રક્રિયા શરૂ કરી દીધી છે. BCCIએ સાડા ત્રણ વર્ષના કાર્યકાળ માટે અરજીઓ મંગાવી છે. અરજી કરવાની છેલ્લી તારીખ મે 27, 2024 છે. નવા મુખ્ય કોચનો કાર્યકાળ T20 વર્લ્ડ કપની સમાપ્તિ પછી તરત જ 1 જુલાઈથી શરૂ થશે. હવે એવા અહેવાલો સામે આવ્યા છે કે રાહુલ દ્રવિડ ફરીથી આ પદ માટે અરજી કરવા નથી માંગતો.
સ્પોર્ટસ્ટારના એક અહેવાલ મુજબ, દ્રવિડે આ પદ પર પોતાનો કાર્યકાળ વધારવામાં કોઈ રસ દાખવ્યો નથી. જોકે, ટીમ ઈન્ડિયાના દિગ્ગજોના એક જૂથે તેને તેના નિર્ણય પર પુનર્વિચાર કરવા વિનંતી કરી છે. પરંતુ દ્રવિડ પરિવારના સમયને પ્રાધાન્ય આપવા માટે આવું કરવા માંગતો નથી, જેમ કે બીસીસીઆઈને અગાઉ કહેવામાં આવ્યું હતું. તમને જણાવી દઈએ કે દ્રવિડનો કાર્યકાળ માત્ર 2023 ODI વર્લ્ડ કપ સુધીનો હતો, પરંતુ BCCIના અનુરોધ પર દ્રવિડ તેને T20 વર્લ્ડ કપ સુધી વધારવા માટે રાજી થઈ ગયો હતો.
રિપોર્ટમાં એમ પણ કહેવામાં આવ્યું છે કે નેશનલ ક્રિકેટ એકેડમી (NCA)ના વડા વીવીએસ લક્ષ્મણ પણ મુખ્ય કોચના પદ માટે લડી શકે તેવી શક્યતા નથી, તેમ છતાં તેમને સૌથી આગળ માનવામાં આવે છે. તમને જણાવી દઈએ કે લક્ષ્મણ છેલ્લા ત્રણ વર્ષથી NCAમાં મહત્વની ભૂમિકા ભજવી રહ્યો છે અને તેણે દ્રવિડની ગેરહાજરીમાં ટીમ ઈન્ડિયાના સ્ટેન્ડ-ઈન કોચ તરીકે પણ કામ કર્યું છે. જો કે હવે જોવાનું એ રહે છે કે ભારતના આગામી મુખ્ય કોચ કોણ હશે.અહેવાલો સામે આવ્યા છે કે ચેન્નાઈ સુપર કિંગ્સના સ્ટીફન ફ્લેમિંગ અને લખનૌ સુપર જાયન્ટ્સના જસ્ટિન લેંગર ટોચના દાવેદારોમાં છે, જેઓ T20 વર્લ્ડ કપ પછી આ પદ માટે રસ દાખવી શકે છે. ભારતના આગામી મુખ્ય કોચની શોધ શરૂ થતાં, BCCI આંતરરાષ્ટ્રીય ક્રિકેટના આગામી તબક્કામાં વરિષ્ઠ ટીમનું નેતૃત્વ કરનાર યોગ્ય ઉમેદવારને પસંદ કરવા પર ધ્યાન કેન્દ્રિત કરે છે.
Load more
