Related Posts
Category : National
શેરબજારમાં ફરી આવ્યો ધટાડો,₹4.36 લાખ કરોડ 30 મિનિટમાં ડૂબી ગયા
બિઝનેસ સપ્તાહના પહેલા જ દિવસે સોમવારે શેરબજારમાં ભૂકંપ આવ્યો હતો. બજાર ખુલતાની સાથે જ સેન્સેક્સ 700 પોઈન્ટથી વધુ તૂટ્યો હતો. BSE સેન્સેક્સ 745 પોઈન્ટ ઘટીને 71919 પોઈન્ટ પર પહોંચ્યો હતો અને અડધા કલાકમાં રોકાણકારોએ રૂ. 4.36 લાખ કરોડ ગુમાવ્યા હતા.નિફ્ટી પણ 208 પોઈન્ટ ઘટીને 21846 પોઈન્ટની નીચે ગયો હતો. આ ઘટાડાને કારણે શેરબજારમાં 17 કરોડથી વધુ રોકાણકારોએ માત્ર અડધા કલાકમાં 4.36 લાખ કરોડ રૂપિયાથી વધુનું નુકસાન કર્યું છે. ટાટા મોટર્સની હાલત સૌથી ખરાબ હતી. ઉત્કૃષ્ટ પરિણામો છતાં, સોમવારે ટાટા મોટર્સના શેરને ખરાબ રીતે ફટકો પડ્યો હતો. ટાટા મોટર્સનો શેર આજે શરૂઆતના કારોબારમાં 8 ટકા ઘટીને રૂ. 958 થયો હતો. કોલ ઈન્ડિયા અને ઓએનજીસીના શેરની હાલત પણ ખરાબ છે.
રિલાયન્સ ઈન્ડસ્ટ્રીઝનો શેર 1.30 ટકાના ઘટાડા સાથે ટ્રેડ થઈ રહ્યો છે. સપ્તાહના પહેલા જ દિવસે શેરબજાર લાલ નિશાનમાં ખુલતાં રોકાણકારો પરેશાન થઈ ગયા હતા. આજે જ્યારે ટાટા મોટર્સ ટોપ લૂઝર રહી હતી, ત્યારે પાવર ગ્રીડ, જેએસડબલ્યુ સ્ટીલ, ભારતી એરટેલ, ટાટા સ્ટીલ, મારુતિ, રિલાયન્સ ઈન્ડસ્ટ્રીઝ, સ્ટેટ બેંક, બજાજ ફાઈનાન્સ વગેરેના શેરમાં પણ ઘટાડો ચાલુ રહ્યો હતો. આ ઘટાડાને કારણે રોકાણકારોને માત્ર અડધા કલાકમાં 4.36 લાખ કરોડ રૂપિયાનું નુકસાન થયું છે. શુક્રવારે ટ્રેડિંગના અંતે, BSE પર લિસ્ટેડ કંપનીઓનું માર્કેટ કેપ રૂ. 3,96,56,440.83 લાખ કરોડ હતું, જે આજે બજાર ખૂલતાંની સાથે ઘટીને રૂ. 3,92,19,774.29 લાખ કરોડ થયું હતું.
Load more
