લગભગ બે મહિના લંડનમાં વિતાવ્યા બાદ વિરાટ કોહલી આખરે ભારત પરત ફર્યો

લગભગ બે મહિના લંડનમાં વિતાવ્યા બાદ વિરાટ કોહલી આખરે ભારત પરત ફર્યો

વિરાટ કોહલીઃ ટીમ ઈન્ડિયાનો સ્ટાર બેટ્સમેન વિરાટ કોહલી IPL 2024માં રોયલ ચેલેન્જર્સ બેંગ્લોર (RCB) ટીમ તરફથી રમવા માટે તૈયાર છે. લગભગ બે મહિના લંડનમાં વિતાવ્યા બાદ વિરાટ કોહલી આખરે ભારત પરત ફર્યો છે. તમને જણાવી દઈએ કે હાલમાં જ વિરાટ કોહલીની પત્ની અનુષ્કા શર્માએ બીજા બાળકને જન્મ આપ્યો છે. વિરાટ કોહલી અને અનુષ્કા શર્માએ તેમના પુત્રનું નામ અકાય રાખ્યું છે

તમને જણાવી દઈએ કે હાલમાં વિરાટ કોહલી એકલો જ ભારત પરત ફર્યો છે. એવી અપેક્ષા છે કે તે ટૂંક સમયમાં તેની ટીમ રોયલ ચેલેન્જર્સ બેંગ્લોર સાથે જોડાશે. વિરાટ કોહલી પોતાની ટીમ રોયલ ચેલેન્જર્સ બેંગલોર (RCB)ને પ્રથમ વખત ચેમ્પિયન બનાવવા માટે બેતાબ છે. રોયલ ચેલેન્જર્સ બેંગ્લોર IPLના ઈતિહાસમાં ત્રણ વખત ફાઇનલમાં પહોંચી છે, પરંતુ એક પણ ટ્રોફી ઉપાડી શકી નથી અને ત્રણેય વખત રનર અપ બનીને સંતોષ માનવો પડ્યો છે. ગત IPL સિઝનમાં કોહલીએ 14 મેચમાં 53.25ની એવરેજથી 639 રન બનાવ્યા હતા, જેમાં 2 સદી અને 6 અડધી સદી સામેલ હતી. આ દરમિયાન તેનો સર્વશ્રેષ્ઠ સ્કોર અણનમ 101 રન હતો. વિરાટ કોહલી IPL 2024માં રન કરે તેમ ફેન્સ ઇચ્છી રહ્યા છે