આ મામલે પોલીસ સૂત્રોના જણાવ્યા અનુસાર, પીડિત સગીરા આરોપી દિવ્યેશ બુસાને માસા કહીને બોલાવતી હતી, જોકે ગત 11 ડિસેમ્બર 2025ના રોજ પરિવાર સાથે હોટલમાં જમવા ગયેલી વખતે સગીરાના ફોનમાં આરોપીનો કોલ આવતા શંકા ઉદ્ભવી હતી. પિતાએ પૂછપરછ કરતા સગીરાએ આરોપીની હેરાનગતિ અંગે સમગ્ર વિગતો ખુલાસી કરી હતી. જે બાદ પરિવારે પોલીસ સ્ટેશનના દ્વાર ખખડાવ્યા છે.
હાલ મામલાની ગંભીરતા જોતા ભક્તિનગર પોલીસ દ્વારા ફરિયાદ નોંધાતાની સાથે જ આરોપી દિવ્યેશ બુસાની ધરપકડ કરવામાં આવી હતી. ઇન્વેસ્ટિગેશન ઓફિસર મયુરધ્વજસિંહ સરવૈયાના જણાવ્યા મુજબ ગુરુવારે આરોપીને કોર્ટમાં રજૂ કરવામાં આવ્યો હતો, જ્યાંથી તેને જેલ હવાલે કરવાનો હુકમ આપવામાં આવ્યો છે. આરોપી ખાનગી નોકરી કરતો હોવાનું જાણવા મળ્યું છે. પોલીસ દ્વારા હાલ ગુનાસંબંધી વધુ પુરાવા એકત્રિત કરવાની કાર્યવાહી હાથ ધરવામાં આવી છે.
