પૂજા હેગડેએ મુંબઈમાં 45 કરોડ રૂપિયાનું ઘર ખરીદ્યું:

પૂજા હેગડેએ મુંબઈમાં 45 કરોડ રૂપિયાનું ઘર ખરીદ્યું:

એક્ટ્રેસ પુજા હેગડેએ મુંબઈમાં 45 કરોડનું ઘર ખરીદ્યું છે. એક મીડિયા રિપોર્ટ અનુસાર, એક્ટ્રેસે મુંબઈના બાંદ્રામાં સી-ફેસ બંગલામાં રોકાણ કર્યું છે. આ બંગલામાં 4 હજાર ચોરસ ફૂટ રહેવાની જગ્યા છે. જો કે આ સમાચાર અંગે એક્ટ્રેસ તરફથી હજુ સુધી કોઈ સત્તાવાર સમર્થન આવ્યું નથી.

એક્ટ્રેસ 8 કરોડ રૂપિયાના 3BHK એપાર્ટમેન્ટમાં રહે છે
અત્યાર સુધી પૂજા બાંદ્રામાં સી-ફેસિંગ 3BHK એપાર્ટમેન્ટમાં રહેતી હતી. તેની કિંમત 6 થી 8 કરોડ રૂપિયા હોવાનું કહેવાય છે. આ ફ્લેટ સિવાય પૂજા પાસે પોર્શે કેયેન જેવી લક્ઝુરિયસ કાર છે જેની કિંમત લગભગ 2 કરોડ રૂપિયા છે.

આ સિવાય એક્ટ્રેસ પાસે 80 લાખની Audi Q7 અને 60 લાખની Jaguar પણ છે. ઘણા મીડિયા રિપોર્ટ્સ અનુસાર, અભિનેત્રીની કુલ સંપત્તિ 51 કરોડ રૂપિયા છે.

2016માં ‘મોહેનજો દરો’થી ડેબ્યૂ કર્યું હતું
વર્ક ફ્રન્ટની વાત કરીએ તો પૂજાની આગામી ફિલ્મ ‘દેવા’ છે. જેમાં તે શાહિદ કપૂરની સામે જોવા મળશે. પૂજાએ 2016માં હૃતિક રોશન સાથે રિલીઝ થયેલી ફિલ્મ મોહેનજો દરો’થી બોલિવૂડમાં ડેબ્યૂ કર્યું હતું. આ પહેલા તેણે સાઉથની ત્રણ ફિલ્મોમાં કામ કર્યું હતું.

આ સિવાય પૂજાએ અત્યાર સુધી ‘હાઉસફુલ 4’, ‘રાધે શ્યામ’, ‘સર્કસ’ અને ‘કિસી કા ભાઈ કિસી કી જાન’ જેવી બોલિવૂડ ફિલ્મોમાં કામ કર્યું છે.