Related Posts
Category : Sports
પુર્વ ભારતીય ક્રિકેકટર ને મળી કોચની જવાબદારી, 2007માં ધોનીની ટીમને બનાવી ચુક્યા છે ચેમ્પિયન
ભારતના ભૂતપૂર્વ ક્રિકેટર લાલચંદ રાજપૂતને ત્રણ વર્ષ માટે UAE મેન્સ નેશનલ ટીમના મુખ્ય કોચ તરીકે નિયુક્ત કરવામાં આવ્યા છે. ભૂતપૂર્વ ખેલાડીએ વચગાળાના મુખ્ય કોચ મુદસ્સર નઝરનું સ્થાન લીધું, જેને હવે ભવિષ્યના સ્ટાર્સને તૈયાર કરવા માટે નેશનલ ક્રિકેટ એકેડમીના વડા બનાવવામાં આવ્યા છે. T-20 વર્લ્ડ કપને ધ્યાનમાં રાખીને આને એક મોટું પગલું માનવામાં આવી રહ્યું છે. લાલચંદ રાજપૂતના કોચિંગ હેઠળ જ ટીમ ઈન્ડિયાએ 2007 T20 વર્લ્ડ કપનો ખિતાબ જીત્યો હતો. તે સમયે ટીમનો કેપ્ટન મહેન્દ્ર સિંહ ધોની હતો.
રાજપૂતે 1985માં ભારત માટે 6 આંતરરાષ્ટ્રીય મેચ રમી હતી. નિવૃત્તિ પછી તેણે કોચિંગ શરૂ કર્યું અને ભારતના સૌથી સફળ કોચમાંના એક બન્યા. રાજપૂતે આ પહેલા 2016-17માં આંતરરાષ્ટ્રીય ક્રિકેટ કાઉન્સિલ દ્વારા ટેસ્ટ સ્ટેટસ આપવામાં આવ્યા બાદ અફઘાનિસ્તાનનું કોચિંગ કર્યું હતું. તેણે ઝિમ્બાબ્વે પુરૂષ ક્રિકેટ ટીમ સાથે 2018 થી 2022 સુધી કામ કર્યું, તેમને ઓસ્ટ્રેલિયામાં 2022 T20 વર્લ્ડ કપ માટે ક્વોલિફાય કરવામાં મદદ કરી.
આ અંગે લાલચંદ રાજપૂતે અમીરાત ક્રિકેટ બોર્ડનો આભાર વ્યક્ત કર્યો હતો. તેણે કહ્યું- આ રોમાંચક ભૂમિકા માટે મને નિયુક્ત કરવા માટે હું અમીરાત ક્રિકેટ બોર્ડનો આભાર માનું છું. યુએઈ તાજેતરના વર્ષોમાં મજબૂત સહયોગી સભ્યોમાંના એક તરીકે ઉભરી આવ્યું છે. ખેલાડીઓએ ODI અને T20 બંનેમાં સારું પ્રદર્શન કર્યું છે. વર્તમાન ટીમમાં શાનદાર ખેલાડીઓ છે. હું તેની સાથે કામ કરવા અને તેની ક્રિકેટ કુશળતાને આગળ વધારવા માટે ઉત્સુક છું.
તેણે આગળ કહ્યું- મને વિશ્વાસ છે કે દુબઈમાં શ્રેષ્ઠ સિસ્ટમના અનુભવ સાથે યુવા છોકરાઓ ક્રિકેટમાં આગળ વધતા રહેશે. UAE ક્રિકેટનું ભાવિ ખૂબ જ ઉજ્જવળ છે અને મારો ઉદ્દેશ્ય છે કે ટીમ સતત સારું પ્રદર્શન કરે. લાલચંદ રાજપૂત ICC ક્રિકેટ વર્લ્ડ કપ લીગ 2 ODI ત્રિકોણીય શ્રેણીમાં UAE ક્રિકેટ ટીમ સાથે તેની નવી સોંપણી શરૂ કરશે, જેમાં સ્કોટલેન્ડ અને કેનેડા પણ સામેલ છે. ત્રિકોણીય શ્રેણી બુધવાર 28 ફેબ્રુઆરીથી શરૂ થશે. UAE આવતા મહિને ત્રણ T20 મેચ માટે સ્કોટલેન્ડની યજમાની કરશે.
Load more
