ઓસ્ટ્રેલિયન ધરતી પર સદી ફટકારી જયસ્વાલનો યશસ્વી રેકોર્ડ, કાંગારૂ બોલર્સના પરસેવા છૂટ્યાં

ઓસ્ટ્રેલિયન ધરતી પર સદી ફટકારી જયસ્વાલનો યશસ્વી રેકોર્ડ, કાંગારૂ બોલર્સના પરસેવા છૂટ્યાં

IND Vs AUS 1st Test Day 3 And Yashasvi Jaiswal First Hundred: ભારતીય ટીમના સ્ટાર ઓપનર યશસ્વી જયસ્વાલે પર્થ ટેસ્ટમાં સદી ફટકારી. ઓસ્ટ્રેલિયાની ધરતી પર આ તેની પ્રથમ સદી છે. આ સદી સાથે તેણે કેટલાક રેકોર્ડ પણ બનાવ્યા. ભારતીય ટીમની બીજી ઇનિંગમાં યશસ્વી જયસ્વાલે સિક્સર સાથે આ સદી પૂરી કરી હતી. ટેસ્ટ ક્રિકેટમાં યશસ્વીની આ ચોથી સદી છે.

પર્થ ટેસ્ટના ત્રીજા દિવસે (24 નવેમ્બર) યશસ્વી જયસ્વાલે સદી ફટકાર્યા બાદ તરત જ તેની પ્રતિષ્ઠિત શૈલીમાં ઉજવણી કરી. યશસ્વીની આ સદી 205 બોલમાં 8 ચોગ્ગા અને 3 છગ્ગાની મદદથી ફટકારી હતી. ઓસ્ટ્રેલિયાની ધરતી પર તેની પ્રથમ ટેસ્ટમાં યશસ્વી જયસ્વાલે બીજી ઈનિંગમાં સદી ફટકારીને પોતાની યોગ્યતા સાબિત કરી હતી. તેણે જોશ હેઝલવૂડના બોલ પર અપર કટ ફટકારીને શાનદાર શૈલીમાં આ સિદ્ધિ હાંસલ કરી હતી.

8 રેકોર્ડ સર્જાયા…

22 વર્ષીય જયસ્વાલે સદી ફટકાર્યા બાદ કે.એલ. રાહુલ (77) તરત જ આઉટ થઈ ગયો હતો. પરંતુ બંનેએ ખાસ ભાગીદારીનો રેકોર્ડ પણ બનાવ્યો હતો. ઉલ્લેખનીય છે કે યશસ્વીની આ સદી સાથે 8 રેકોર્ડ સર્જાયા…

1: AUS માં 200 રન બનાવનાર ભારતની પ્રથમ ઓપનિંગ જોડી

કે.એલ. રાહુલ અને યશસ્વી જયસ્વાલ ઓસ્ટ્રેલિયામાં ટેસ્ટ ઇનિંગ્સમાં 200 રન બનાવનાર પ્રથમ ભારતીય ઓપનિંગ જોડી બની.

ઓસ્ટ્રેલિયામાં 200થી વધુ રનની ભાગીદારી કરનાર ઓપનિંગ જોડી

323 – જેક હોબ્સ, વિલ્ફ્રેડ રોડ્સ (ઈંગ્લેન્ડ), મેલબોર્ન, 1912

283 – જેક હોબ્સ, હર્બર્ટ સટક્લિફ (ઇંગ્લેન્ડ), મેલબોર્ન, 1925

234 – બોબ બાર્બર, જ્યોફ્રી બોયકોટ (ઈંગ્લેન્ડ), સિડની, 1966

223 – બિલ એથે, ક્રિસ બ્રોડ (ઇંગ્લેન્ડ), પર્થ (WACA), 1986

203 – માઈકલ આથર્ટન, ગ્રેહામ ગૂચ (ઈંગ્લેન્ડ), એડિલેડ, 1991

201 – યશસ્વી જયસ્વાલ, કે.એલ. રાહુલ (ભારત), પર્થ (ઓપ્ટસ), 2024

SENA દેશોમાં ભારત માટે સૌથી વધુ ઓપનિંગ રન

213 – સુનીલ ગાવસ્કર, ચેતન ચૌહાણ વિ. ઈંગ્લેન્ડ, ધ ઓવલ, 1979

203 – વિજય મર્ચન્ટ, મુશ્તાક અલી વિરુદ્ધ ઈંગ્લેન્ડ, માન્ચેસ્ટર, 1936