ઇલોન મસ્ક યુએસ સરકારનો ફાલતુ ખર્ચ રોકશે

ઇલોન મસ્ક યુએસ સરકારનો ફાલતુ ખર્ચ રોકશે

અમેરિકી રાષ્ટ્રપતિની ચૂંટણી જીત્યા બાદ ડોનાલ્ડ ટ્રમ્પ પોતાની ટીમ બનાવવામાં વ્યસ્ત છે. અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ 20 જાન્યુઆરી, 2025ના રોજ શપથ લેશે, પરંતુ તે પહેલા તેમણે ટેસ્લા, સ્પેસએક્સ અને ‘એક્સ’ના સીઈઓ ઈલોન મસ્કને મોટી જવાબદારી સોંપી દીધી છે. ટ્રમ્પે જાહેરાત કરી છે કે એલોન મસ્ક ભારતીય મૂળના વિવેક રામાસ્વામીની સાથે નવા ડિપાર્ટમેન્ટ ઓફ ગવર્નમેન્ટ એફિશિયન્સી (DOGE)નું નેતૃત્વ કરશે. એલોન મસ્કે સોશિયલ મીડિયા X દ્વારા આ માહિતી આપી હતી.

ડોનાલ્ડ ટ્રમ્પે મંગળવારે એક સત્તાવાર નિવેદનમાં કહ્યું, ‘મને એ જાહેરાત કરતાં આનંદ થાય છે કે મહાન એલોન મસ્ક, અમેરિકન દેશભક્ત વિવેક રામાસ્વામી સાથે, ડિપાર્ટમેન્ટ ઑફ ગવર્નમેન્ટ એફિશિયન્સી (DOGE)નું નેતૃત્વ કરશે.’ તેમણે કહ્યું, ‘આ બે અદ્ભુત અમેરિકનો સાથે મળીને મારા વહીવટ માટે સરકારી અમલદારશાહીને દૂર કરવા, બિનજરૂરી નિયમો ઘટાડવા, કચરો ઘટાડવા અને ફેડરલ એજન્સીઓનું પુનર્ગઠન કરવાનો માર્ગ મોકળો કરશે, જે ‘સેવ અમેરિકા’ ચળવળ માટે જરૂરી છે. આનાથી સમગ્ર તંત્રમાં હલચલ મચી જશે અને સરકારી કચરા સાથે સંકળાયેલા તમામ લોકો, જેમાં ઘણા છે, તેઓ ચોંકી જશે.