વીડિયો વાયરલ થતા જ તંત્ર હરકતમાં
આ વીડિયોમાં પીડિત પરિવાર દ્વારા લોકોને “SVPમાં સારવાર માટે ન આવવા”ની અપીલ કરાતા હોસ્પિટલ તંત્રમાં દોડધામ મચી ગઈ છે. હોસ્પિટલના CEO દ્વારા આ સમગ્ર મામલે તપાસના આદેશો આપવામાં આવ્યા છે. જવાબદારો વિરુદ્ધ કડક કાર્યવાહીના પણ આદેશ આપી દેવાયા છે. બીજી તરફ આ વીડિયો હાલ સોશિયલ મીડિયામાં વાયરલ થતા ગુજરાતના આરોગ્ય તંત્રની કથળતી સ્થિતિ ફરી એકવાર સામે આવી છે. એક તરફ સરકાર શ્રેષ્ઠ આરોગ્ય સુવિધાઓના દાવા કરે છે, ત્યારે બીજી તરફ આવી ઘટનાઓ સામાન્ય જનતાનો સરકારી તંત્ર પરથી વિશ્વાસ ડગમગાવી રહી છે.
