'સુપરફિટ' લુક વાળા રોહિત શર્મા ને જોતા જ નીતા અંબાણી ચોંકી ગયા, રિએક્શનનો વિડિઓ વાયરલ

‘સુપરફિટ’ લુક વાળા રોહિત શર્મા ને જોતા જ નીતા અંબાણી ચોંકી ગયા, રિએક્શનનો વિડિઓ વાયરલ

રોહિત શર્મા ની ગજબ ની ફિટનેસ : વિશ્વની સૌથી લોકપ્રિય ક્રિકેટ લીગ ઇન્ડિયન પ્રીમિયર લીગ (IPL 2026) (Indian Premier League) ની 19મી સીઝનનો પ્રારંભ થઈ રહ્યો છે. આ ભવ્ય ટૂર્નામેન્ટની શરૂઆત પહેલા મુંબઈ ઈન્ડિયન્સ (MI) (Mumbai Indians) ના કેમ્પમાંથી એક ખૂબ જ રસપ્રદ વીડિયો સામે આવ્યો છે. ટીમની પ્રથમ મેચ રવિવારે કોલકાતા નાઈટ રાઈડર્સ (KKR) સામે રમાવાની છે, તે પૂર્વે ફ્રેન્ચાઈઝીના માલિક નીતા અંબાણી (Nita Ambani) ખેલાડીઓનો ઉત્સાહ વધારવા પહોંચ્યા હતા. જ્યાં રોહિત શર્મા ની ગજબ ફિટનેસ જોવા મળી .

નીતા અંબાણીનું આશ્ચર્યજનક રિએક્શન

જ્યારે નીતા અંબાણી પ્રેક્ટિસ સેશન દરમિયાન ટીમને મળવા આવ્યા, ત્યારે તેમની નજર સ્ટાર બેટર રોહિત શર્મા (Rohit Sharma) પર પડી. રોહિતના નવા અને અત્યંત ફિટ અવતારને જોઈને નીતા અંબાણી પણ આશ્ચર્યચકિત થઈ ગયા હતા. સોશિયલ મીડિયા પર વાયરલ થયેલા વીડિયોમાં તેઓ રોહિતને એમ કહેતા સંભળાય છે કે, “ઓ માય ગોડ, રોહિત! હું તો તને ઓળખી જ ન શકી. તું તો બિલકુલ એક યુવાન છોકરા જેવો દેખાઈ રહ્યો છે.” આ ટિપ્પણી રોહિતની ફિટનેસ પ્રત્યેની સખત મહેનતનું પરિણામ છે.

Mrs. Nita Ambani met the squad during training ahead of the start of TATA IPL 2026! 💙 pic.twitter.com/r2Gy9NaDOc

— Mumbai Indians (@mipaltan) March 27, 2026

Rohit Sharma 2.0 નો અવતાર

ભારતીય ટીમના પૂર્વ કેપ્ટન રોહિત શર્માએ છેલ્લા કેટલાક મહિનાઓમાં પોતાની ફિટનેસ પર ગંભીરતાથી કામ કર્યું છે. આંતરરાષ્ટ્રીય સ્તરે ટેસ્ટ અને T20 ફોર્મેટમાંથી નિવૃત્તિ લીધા બાદ, હિટમેન પાસે પોતાની શારીરિક ક્ષમતા વધારવા માટે પૂરતો સમય હતો. તેમણે પોતાનું વજન નોંધપાત્ર રીતે ઘટાડ્યું છે અને હવે તેઓ પહેલા કરતા વધુ ફિટ દેખાઈ રહ્યા છે. ક્રિકેટ ફેન્સ આ નવા લુકને ‘રોહિત શર્મા 2.0’ કહી રહ્યા છે.

IPL ની આ સીઝનમાં રોહિત શર્મા હાર્દિક પંડ્યા (Hardik Pandya) ની કેપ્ટન્સી હેઠળ રમતા જોવા મળશે. ટીમમાં જસપ્રીત બુમરાહ, સૂર્યકુમાર યાદવ અને મિચેલ સેન્ટનર જેવા દિગ્ગજોનો સમાવેશ થાય છે. હવે એ જોવું રસપ્રદ રહેશે કે આ ‘સુપરફિટ’ હિટમેન મેદાન પર પોતાના બેટથી કેવો તરખાટ મચાવે છે.