Vadodara: "ટીકા કરવાનું છોડો, રાણી લક્ષ્મીબાઈ બનો!" - દીકરીઓની સુરક્ષા મુદ્દે DyCM Harsh Sanghavi ની સમાજને મોટી ટકોર

Vadodara: “ટીકા કરવાનું છોડો, રાણી લક્ષ્મીબાઈ બનો!” – દીકરીઓની સુરક્ષા મુદ્દે DyCM Harsh Sanghavi ની સમાજને મોટી ટકોર

DyCM Harsh Sanghavi In Vadodara: ગુજરાતના નાયબ મુખ્યમંત્રી હર્ષભાઈ સંઘવી (Harsh Sanghavi) આજે વડોદરા (Vadodara) ની મુલાકાતે છે. વડોદરા પહોંચ્યા બાદ તેઓ નિર્ધારિત કાર્યક્રમોમાં જોડાઈ ચૂક્યા છે અને હાલમાં શહેરના વિવિધ સ્થળોએ લોકાર્પણ તથા ખાતમુહૂર્તના કાર્યક્રમો ગતિમાન છે.

DyCM Harsh Sanghavi ખાટુશ્યામ મંદિરના પ્રાણપ્રતિષ્ઠા મહોત્સવમાં હાજર

તેમની મુલાકાતનો પ્રારંભ ધાર્મિક ઉત્સવથી થયો હતો. વડોદરાના નવાયાર્ડ (Navayard) રેલવે કોલોનીમાં આવેલ ડી-કેબિન (D-Cabin) ખાતે નવનિર્મિત મંદિરમાં મૂર્તિ પ્રાણ પ્રતિષ્ઠા મહોત્સવનું આયોજન કરવામાં આવ્યું છે. આ મંદિરમાં ભારત માતા (Bharat Mata), ખાટુ શ્યામ (Khatu Shyam) અને સાંવરિયા શેઠ (Sanwariya Seth) ભગવાનની મૂર્તિઓની પ્રાણ પ્રતિષ્ઠા કરવામાં આવી રહી છે. હર્ષભાઈ સંઘવીએ આ પવિત્ર પ્રસંગે હાજરી આપી હતી અને તેઓ ભવ્ય કળશયાત્રા (Kalash Yatra) માં પણ જોડાશે. હાલમાં હર્ષભાઈ સંઘવી હાલ વડોદરામાં જ છે અને તેમના તમામ કાર્યક્રમો નિર્ધારિત સમય મુજબ આગળ વધી રહ્યા છે.

DyCM Harsh Sanghavi એ ધાર્મિક કાર્યક્રમમાં આપી હાજરી

મુલાકાતના પ્રારંભે તેમણે નવાયાર્ડની ડી-કેબિન (D-Cabin) વિસ્તારમાં આવેલ ઐતિહાસિક અને સ્વયંભૂ રામેશ્વર મહાદેવ (Rameshwar Mahadev) ના દર્શન કરી આશીર્વાદ મેળવ્યા હતા. આ પ્રસંગે તેમણે જણાવ્યું હતું કે, જ્યારે રેલવેનું અસ્તિત્વ નહોતું ત્યારથી શિવજી અહીં બિરાજમાન છે અને આ વિસ્તારની આસ્થાનું કેન્દ્ર છે. સ્થાનિક પરિવારોએ દર મહિને એક-એક રૂપિયો એકઠો કરીને આ મંદિરનો જે જીર્ણોદ્ધાર કર્યો છે, તે સામાજિક એકતાનું ઉત્તમ ઉદાહરણ છે.

DyCM Harsh Sanghavi ના હસ્તે 200 કરોડના પ્રોજેક્ટ્સનું ખાતમુહૂર્ત

ભગવાનના આશીર્વાદ લીધા બાદ તેમણે વડોદરા શહેર માટે રુ.200 કરોડ (200 Crores) ના વિવિધ પ્રકલ્પોનું લોકાર્પણ અને ખાતમુહૂર્ત કરીને જનતાને વિકાસની મોટી ભેટ ધરી હતી.

DyCM Harsh Sanghavi એ ‘લવ જેહાદ’ મુદ્દે આપ્યું મોટું નિવેદન

ધાર્મિક કાર્યક્રમ દરમિયાન હર્ષભાઈ સંઘવીએ ‘લવ જેહાદ’ (Love Jihad) અને દીકરીઓની સુરક્ષા મુદ્દે અત્યંત આક્રમક નિવેદન આપ્યું હતું. તેમણે સ્પષ્ટ શબ્દોમાં ચેતવણી આપી હતી કે, જો કોઈ વ્યક્તિ પોતાની ઓળખ છુપાવીને કે નામ બદલીને આપણી ભોળી દીકરીઓને ફસાવવાનો પ્રયત્ન કરશે, તો ભાજપ સરકાર તેને કોઈ પણ સંજોગોમાં છોડશે નહીં. રાજ્યના અનેક જિલ્લાઓમાં છેલ્લા એક વર્ષમાં આવી અનેક ઘટનાઓ બની છે, પરંતુ ગુજરાત પોલીસે વિવિધ સંગઠનોની મદદથી અનેક દીકરીઓને સુરક્ષિત રીતે બચાવી લીધી છે. મંત્રીએ ઉમેર્યું કે, સરકાર આવી વ્યક્તિઓ વિરુદ્ધ એવી કડક કાર્યવાહી કરશે કે તેઓ જિંદગીભર કોઈ દીકરી સામે આંખ ઉઠાવીને જોવાની હિંમત પણ નહીં કરી શકે.

દીકરીઓની સુરક્ષા મુદ્દે હર્ષ સંઘવીની સમાજને મોટી અપીલ

સમાજને અપીલ કરતા હર્ષ સંઘવીએ જણાવ્યું હતું કે, જ્યારે કોઈ દીકરી આવી છેતરામણીનો શિકાર બને ત્યારે સમાજે કે મહિલાઓએ તે પરિવારની ટીકા કરવાને બદલે તેમની સાથે ઊભા રહેવું જોઈએ. તેમણે બહેનોને વિનંતી કરી હતી કે ઓટલા પર બેસીને વાતો કરવાને બદલે દીકરીઓની સુરક્ષા માટે રાણી લક્ષ્મીબાઈ (Rani Laxmibai) બનીને સહયોગી બને. જો સમાજ પોતાનો વિચાર બદલશે, તો કોઈ પણ નરાધમ આપણી દીકરીઓને હેરાન કરવાનો વિચાર પણ નહીં કરે. આ ઉપરાંત, તેમણે વડોદરાના વિકાસ માટે શહેર ભાજપ પ્રમુખને નવા પ્લાન લાવવા પ્રોત્સાહિત કર્યા હતા અને જાહેરાત કરી હતી કે કોઈ પણ યાત્રાધામના વિકાસ માટે સરકાર ત્વરિત રુ. 25 લાખ (25 Lakhs) ની સહાય પૂરી પાડશે.