TMKOCમા પાછા આવે છે દયાબહેન , દર્શકોની લાગણી વચ્ચે અસિત મોદીએ કરી જાહેરાત

TMKOCમા પાછા આવે છે દયાબહેન , દર્શકોની લાગણી વચ્ચે અસિત મોદીએ કરી જાહેરાત

સૌનો લોકપ્રિય ‘તારક મહેતા કા ઉલ્ટા ચશ્મા’માં, ચાહકો ઘણા દિવસોથી દયાબેન (દિશા વાકાણી)ની વાપસીની રાહ જોઈ રહ્યા છે, પરંતુ ચાહકોને હજુ સુધી દયાબેનની વાપસી જોવાની બાકી છે. તાજેતરમાં, શોના એક પ્રોમોમાં બતાવવામાં આવ્યું હતું કે દયાબેન ગોકુલધામ સોસાયટીમાં પાછા ફરવાના છે, પરંતુ જ્યારે આ એપિસોડ પ્રસારિત કરવામાં આવ્યો ત્યારે દયાબેન તેમાં ક્યાંય જોવા મળ્યા ન હતા.આ વાતને લઈને ચાહકો ખૂબ નારાજ હતા અને શોનો બહિષ્કાર કરવાની માગ કરી રહ્યા હતા. આ બાદ, શોના નિર્માતા અસિત મોદીએ કહ્યું હતું કે તેઓ દયાબેનને જલ્દી પરત લાવવાનો પ્રયાસ કરી રહ્યા છે. દરમિયાન, અસિત મોદીએ હવે પુષ્ટિ કરી છે કે તેઓ દયાબેનને પાછા લાવી રહ્યા છે.

આ માહિતી આપતાં અસિત મોદીએ તેમના ઓફિશિયલ ટ્વિટર (X) હેન્ડલ પરથી ટ્વીટ કર્યું અને લખ્યું, “તમે અને તમારો પરિવાર અમારા અમૂલ્ય દર્શકો છો, અમે તમારા સ્નેહ અને પ્રેમની ખૂબ પ્રશંસા કરીએ છીએ. તેમણે કહ્યું કે દયા ભાભી જલ્દી આવશે, સાથે ટ્વિટમાં તેમણે કહ્યું કે, તમારી અને અમારી વચ્ચે હાસ્ય અને ખુશીનું અતૂટ બંધન રાખો.” જો કે, ચાહકો અસિત મોદીના આ નિવેદન પર વિશ્વાસ કરી રહ્યા નથી અને ચાહકોને લાગે છે કે અસિત ખોટું બોલી રહ્યા છે પરંતુ હવે પડદા પર દયા ભાભી દેખાયા બાદ જ સાચું સામે આવશે.

અસિત મોદીના ટ્વીટ પર કોમેન્ટ કરતા એક દર્શકે લખ્યું, “તમે કોઈપણ રાજકારણી કરતા મોટા જુઠ્ઠા છો, વર્ષની શરૂઆતમાં દયા અને પોપટલાલના લગ્નને લઈને આપેલું એક વચન પણ પૂરું થયું નથી.” શું તમે જાણો છો, તમારા પ્રેક્ષકો તમને ધિક્કારે છે.

આ સિવાય અન્ય એક યુઝરે પણ આવો જ જવાબ આપ્યો અને લખ્યું, “ભાઈ, તમારા અંગત અહંકારને કારણે તમે તમારો શો બગાડ્યો છે. હવે એક વાર તેના જૂના એપિસોડ જુઓ અને પછી નવા એપિસોડ જુઓ. તમને ફરક દેખાશે. વધુ માં લખ્યું શો બંધ કરવામાં અને કંઈક નવું કરવામાં આદર રહેલું છે, શોને બળપૂર્વક ખેંચશો નહીં.બીજી તરફ 15 વર્ષથી દર્શકોનું એન્ટરટેઈન કરી રહેલો શો તારક મહેતા કા ઉલ્ટા ચશ્મા એટલે કે TMKOC છેલ્લા ઘણા દિવસોથી ચર્ચામાં છે. જેનું કારણ દયાબેનની એન્ટ્રી સાથેનો ટ્રેક હતો. જ્યારે આ વખતે પણ દયાબેનની એન્ટ્રી દેખાડવામાં આવી ન હતી અને જેઠાલાલને માસુમ અને નિર્દોષતા જોવા મળી હતી. ત્યારે ચાહકો નિરાશ થયા હતા. આ વચ્ચે નવા સમાચાર આવી રહ્યા છે. નવી એક્ટ્રેસ શોમાં એન્ટ્રી કરવા જઈ રહી છે. તેને પોતે જ ઓફિશિયલ પોસ્ટ કરી છે. એટલે કે હવે દયા બેન સાથે નવી એક્ટ્રેસ પણ આ શો મા જોવા મળશે.