સલમાન ખાનના સુરક્ષા કર્મી જોડે બબાલ થતા ફેને કહી દીધુ કે ..લોરેન્સ બિશ્નોઇને કહી દવ ?

સલમાન ખાનના સુરક્ષા કર્મી જોડે બબાલ થતા ફેને કહી દીધુ કે ..લોરેન્સ બિશ્નોઇને કહી દવ ?

બોલિવૂડ સુપરસ્ટાર સલમાન ખાન વિશે ચોંકાવનારા સમાચાર સામે આવ્યા છે. કહેવામાં આવી રહ્યું છે કે સલમાનની શૂટિંગ સાઇટમાં એક વ્યક્તિ ગેરકાયદેસર રીતે પ્રવેશ્યો હતો. શંકા જતાં તેની પૂછપરછ કરવામાં આવી તો વ્યક્તિએ કહ્યું, ‘શું હું બિશ્નોઈને કહું?’ શંકાસ્પદ વ્યક્તિને પૂછપરછ માટે શિવાજી પાર્ક પોલીસ સ્ટેશન લઈ જવામાં આવ્યો છે.

મળતી માહિતી મુજબ, આ ઘટના મુંબઈના ઝોન-5માં બની હતી. શંકાસ્પદ વ્યક્તિએ કથિત રીતે લોરેન્સ બિશ્નોઈના નામનો પણ ઉપયોગ કર્યો હતો. પોલીસ તેની પૂછપરછ કરી રહી છે. પ્રારંભિક માહિતીમાં જાણવા મળ્યું છે કે જ્યારે આ અજાણ્યો વ્યક્તિ પ્રવેશ્યો ત્યારે સલમાન ખાન શૂટિંગ સ્થળે હાજર હતો. જ્યારે તેણે કથિત રીતે લોરેન્સ બિશ્નોઈનું નામ લીધું ત્યારે ક્રૂના કેટલાક લોકોએ તેને જોયો હતો. હાલ પોલીસ તેની પૂછપરછ કરી રહી છે.

મુંબઈ પોલીસના જણાવ્યા અનુસાર દાદર વેસ્ટમાં શૂટિંગ ચાલી રહ્યું હતું, સલમાનનો એક ફેન શૂટિંગ જોવા માંગતો હતો, પરંતુ સુરક્ષાકર્મીઓએ તેને ધક્કો માર્યો અને તેમની વચ્ચે ઝઘડો થયો. ગુસ્સામાં છોકરાએ બિશ્નોઈનું નામ લીધું, ત્યારબાદ ગાર્ડે પોલીસને બોલાવી અને છોકરાને તેમના હવાલે કર્યો.છોકરો મુંબઈનો રહેવાસી છે. પોલીસે તે વ્યક્તિની બેકગ્રાઉન્ડ પણ તપાસી. પોલીસને પ્રાથમિક તપાસમાં કંઈપણ શંકાસ્પદ જણાતું નથી.

તમને જણાવી દઈએ કે બોલિવૂડના દબંગ સલમાન ખાનને ગેંગસ્ટર લોરેન્સ બિશ્નોઈના નામે ઘણી વખત ધમકી આપવામાં આવી છે. તાજેતરમાં જ અભિનેતા પાસેથી 5 કરોડ રૂપિયાની ખંડણી પણ માંગવામાં આવી હતી. થોડા દિવસો પહેલા બાંદ્રામાં અભિનેતાના ઘરની બહાર ફાયરિંગ થયું હતું. જેમાં લોરેન્સ ગેંગનું નામ પણ સામે આવ્યું હતું. તાજેતરમાં જ સલમાન ખાનના નજીકના બાબા સિદ્દીકીની પણ ગોળી મારીને હત્યા કરવામાં આવી હતી. જેમાં લોરેન્સ ગેંગનું નામ પણ સામે આવ્યું હતું.