Related Posts
Category : Gujarat
કાવીઠા ગામમાં 12 થી વધુ લોકોને હડકાયા કુતરાએ ભર્યા ભચકા
છોટાઉદેપુર જિલ્લાના સંખેડા તાલુકામાં આવેલા કાવીઠા ગામમાં હડકાયા કૂતરાએ ભારે આતંક મચાવ્યો છે. રાત્રિના સમયે પોતાના ઘરની બહાર આરામ કરી રહેલા ગ્રામજનો પર કૂતરાએ અચાનક હુમલો કરી દીધો હતો. આ ઘટનામાં 12 થી વધુ લોકોને કૂતરાએ ગંભીર રીતે બચકાં ભરી લેતા આખા ગામમાં ભારે ફફડાટ અને ભયનો માહોલ વ્યાપી ગયો છે.
2 લોકોની હાલત ગંભીર, એકને વધુ સારવાર અર્થે વડોદરા ખસેડાયા
હડકાયા કૂતરાના હુમલામાં ઈજાગ્રસ્ત થયેલા લોકોમાંથી 2 વ્યક્તિઓની હાલત અત્યંત ગંભીર દર્શાવવામાં આવી રહી છે. એક યુવકના મોઢાના ભાગે કૂતરાએ ગંભીર રીતે બચકાં ભર્યા હોવાથી તેને તાત્કાલિક વધુ સારવાર અર્થે વડોદરા હોસ્પિટલ ખાતે રિફર કરવામાં આવ્યો છે. અન્ય ઈજાગ્રસ્તોને પણ નજીકની હોસ્પિટલમાં સારવાર અર્થે ખસેડવામાં આવ્યા છે.
માનવો જ નહીં, 10 જેટલાં દૂધાળા પશુઓને પણ બનાવ્યા શિકાર
હડકાયા કૂતરાનો કોપ માત્ર માનવીઓ સુધી સીમિત રહ્યો નથી. રાત્રિ દરમિયાન રખડતા આ હડકાયા કૂતરાએ ગામના આશરે 10 જેટલાં દૂધાળા પશુઓને પણ બચકાં ભરી લીધા હતા. પશુઓ પણ હડકાયા કૂતરાનો ભોગ બનતા પશુપાલકોમાં ચિંતાની કાળી ડિબંગ છાયા ફરી વળી છે અને પશુઓના સ્વાસ્થ્યને લઈને સવાલો ઊભા થયા છે.
Load more
