Related Posts
Category : Sports
T20 વર્લ્ડ કપની રેસમાં ચહલ-કુલદીપ કરતાં પણ આગળ નિકળી ગયો આ ખેલાડી!
T20 વર્લ્ડ કપ આવતા વર્ષે વેસ્ટ ઈન્ડિઝ અને અમેરિકામાં રમાવાનો છે. ટીમ ઈન્ડિયાએ આ ટૂર્નામેન્ટની તૈયારીઓ ઓસ્ટ્રેલિયા સામે રમાયેલી 5 મેચની T20 સીરિઝથી શરૂ કરી હતી. હવે ટૂર્નામેન્ટ પહેલા તેની પાસે માત્ર 6 T20 મેચ બાકી છે. મેનેજમેન્ટે આ 6 મેચોમાં જ ટુર્નામેન્ટ માટે ટીમની પસંદગી કરવાની રહેશે. એક યુવા ખેલાડી આ ટુર્નામેન્ટમાં રમવા માટે મોટો દાવેદાર બન્યો છે.
T20 વર્લ્ડ કપની રેસમાં આ ખેલાડી આગળ નીકળ્યો!
યુવા લેગ સ્પિનર રવિ બિશ્નોઈએ T20 વર્લ્ડ કપ 2024 માટે પોતાનો દાવો રજૂ કર્યો છે. તેણે તાજેતરમાં ઓસ્ટ્રેલિયા સામે ઘણું સારું પ્રદર્શન કર્યું છે. આ સાથે જ તેને સાઉથ આફ્રિકા સામે રમાનાર ટી20 સીરીઝ માટે પણ ટીમમાં સામેલ કરવામાં આવ્યો છે. ટી20 વર્લ્ડ કપ પહેલા ભારતે છ ટી20 મેચ રમવાની છે અને તે સમજી શકાય છે કે 23 વર્ષીય બિશ્નોઈને યુઝવેન્દ્ર ચહલ કરતાં પ્રાધાન્ય મળવાની ખાતરી છે. ચહલને આગામી ટી20 શ્રેણી માટે પણ ટીમમાં સ્થાન મળ્યું નથી.
બિશ્નોઈએ ચહલ-કુલદીપને પાછળ છોડી દીધા
ચહલે આ વર્ષે નવ ટી20 મેચમાં નવ વિકેટ લીધી છે જ્યારે બિશ્નોઈએ 11 મેચમાં 18 વિકેટ લીધી છે. બિશ્નોઈ ઓસ્ટ્રેલિયા સામે તાજેતરમાં સમાપ્ત થયેલી શ્રેણીમાં પાંચ મેચમાં નવ વિકેટ લઈને પ્લેયર ઓફ ધ સિરીઝ પણ હતો. જ્યારે, કુલદીપ યાદવે આ વર્ષે માત્ર સાત T20 મેચ રમી છે અને 8 વિકેટ લીધી છે. આવી સ્થિતિમાં રવિ બિશ્નોઈનું પ્રદર્શન આ વર્ષે ટી-20માં આ બે ખેલાડીઓ કરતાં ઘણું સારું રહ્યું છે. જો કે કુલદીપ યાદવને આગામી ટી20 શ્રેણી માટે ટીમમાં જગ્યા મળી છે. આવી સ્થિતિમાં કુલદીપ-બિશ્નોઈ માટે આ સિરીઝ ઘણી મહત્વની બની રહી છે.
બેટ્સમેનોને મદદરૂપ પિચો પર પણ અસરકારક
તાજેતરમાં જ ઓસ્ટ્રેલિયન કેપ્ટન મેથ્યુ વેડે સ્વીકાર્યું હતું કે બેટ્સમેન માટે અનુકૂળ પીચો પર પણ બિશ્નોઈને રમવું સરળ નથી. તેણે કહ્યું હતું કે તેના સ્પિનરોએ સારું પ્રદર્શન કર્યું હતું. બિશ્નોઈએ ખાસ કરીને ચારેય મેચોમાં શાનદાર બોલિંગ કરી હતી. તેને રમવું સરળ નહોતું. શ્રીલંકાના મહાન સ્પિનર મુથૈયા મુરલીધરને પણ જિયો સિનેમાને કહ્યું કે બિશ્નોઈ અન્ય લેગ સ્પિનરોથી અલગ છે. તે ઝડપી બોલિંગ કરે છે અને બોલને સ્લાઈડ કરે છે. તેને મદદગાર વિકેટો પર રમવું ખૂબ મુશ્કેલ છે.
Load more
