Related Posts
Category : National
ફરી દરિયામાંથી 3000 કરોડનું ડ્રગ્સ ઝડપાયું! ગુજરાત ATS અને કોસ્ટગાર્ડનું મોટું ઓપરેશન, લક્ષદ્વીપ સુધી નેટવર્કનો પર્દાફાશ
Gujarat ATS: અરબી સમુદ્રમાં ભારતીય તટરક્ષક દળે ડ્રગ્સ સામે મોટું અભિયાન હાથ ધર્યું છે. ગુજરાત ATS સાથે મળીને ચલાવવામાં આવેલ આ ઓપરેશનમાં આશરે 526 કિલો હાઈ-ગ્રેડ ડ્રગ્સ જપ્ત કરવામાં આવ્યું છે, જેની આંતરરાષ્ટ્રીય બજારમાં કિંમત 3000 કરોડ રૂપિયાથી વધુ છે. આ કાર્યવાહી દરમિયાન એક શંકાસ્પદ ઈરાની બોટ ‘ધો’ ને રોકવામાં આવી હતી અને તેના પર સવાર પાંચ પાકિસ્તાની નાગરિકોની ધરપકડ કરવામાં આવી હતી. ભારતીય તટરક્ષક દળ અને ગુજરાત એટીએસને સમુદ્રના માર્ગે ડ્રગ્સના આ જથ્થાની દાણચોરીની ગુપ્ત માહિતી મળી હતી. ત્યારબાદ સમુદ્ર અને હવાઈ માર્ગે દેખરેખ શરૂ કરવામાં આવી હતી. શંકાસ્પદ જહાજ પર સતત નજર રાખવામાં આવી અને તેની ગતિવિધિઓને ટ્રેક કરવામાં આવી હતી.
પાક્કી માહિતી મળ્યા બાદ ભારતીય તટરક્ષક દળે આ બોટનો પીછો કર્યો અને આખરે જહાજને રોકીને તેના પર સવાર પાકિસ્તાની નાગરિકોની તપાસ શરૂ કરી હતી.. તપાસ દરમિયાન અંદાજે 526 કિલો પ્રતિબંધિત નશીલા પદાર્થો મળી આવ્યા હતા. જેમાં હેરોઈન અને મેથામફેટામાઈન સામેલ છે. આંતરરાષ્ટ્રીય બજારમાં જપ્ત કરાયેલા ડ્રગ્સની કિંમત 3000 કરોડ રૂપિયાથી વધુ હોવાની માહિતી છે. આ ઈરાની બોટ તેના ક્રૂ મેમ્બર્સ અને જપ્ત કરાયેલ ડ્રગ્સને પોતાની સુરક્ષા હેઠળ મુંબઈ લવાયા છે. અહીં સંયુક્ત પૂછપરછ કરવામાં આવશે અને અનેક એજન્સીઓ મળીને આગળની કાનૂની કાર્યવાહી કરશે.
Load more
