Related Posts
Category : Gujarat
ગુજરાતમાં પેરામેડિકલમાં વિદ્યાર્થીઓ નીરસ: ચોથા રાઉન્ડ બાદ પણ નર્સિંગમાં જ 24 હજાર બેઠકો ખાલી
Nursing Student: ધોરણ 12 સાયન્સ પછીના બોર્ડ પરિણામ આધારીત (નીટ સિવાયના) પેરામેડિકલ કોર્સીસમાં પ્રવેશ માટેની રાજ્ય સરકારની ઓનલાઈન કેન્દ્રિય પ્રવેશ પ્રક્રિયા અંતર્ગત ચોથા રાઉન્ડનું સીટ એલોટમેન્ટ આજે કરી દેવાયુ છે. જેમાં એલોટમેન્ટ બાદ પણ હજુ 27,538 બેઠોકા ખાલી રહી છે એન તે આટલા વર્ષોમાં રેકોડબ્રેક છે. પહેલીવાર ચાર રાઉન્ડ બાદ પણ 27 હજારથી વઘુ બેઠકો ખાલી રહી છે.
ચાર રાઉન્ડ બાદ પણ 15 હજાર વિદ્યાર્થીએ માંડ પ્રવેશ લીધો
ધો.12 સાયન્સ પછીના બીએસસી નર્સિંગ, ઓક્ઝિલરી નર્સિંગ, જનરલ નર્સિંગ, ફીઝિયોથેરાપી, ઓપ્ટોમેટ્રી, ઓર્થોટિક્સ, સ્પીચ થેરાપી એન્ડ ઓડિયોલોજી, નેચરોપેથી અને ઓક્યુપેશનલ થેરાપી સહિતના 9 પેરમેડિકલ કોર્સીસમાં સરકારી અને ખાનગી સહિતની 1048 જેટલી કોલેજો રાજ્યમાં છે. જેમાંથી ચાર રાઉન્ડ સુધીની પ્રક્રિયામાં 897 કોલેજોને મંજૂરી મળી છે. ચોથા રાઉન્ડના સીટ એલોટમેન્ટમાં 897 કોલેજોની 42549 બેઠકોમાંથી 15011 બેઠકો પર જ પ્રવેશ થયા છે. જ્યારે હજુ પણ 27, 538 બેઠકો ખાલી રહી છે. હજુ પણ 140થી વઘુ કોલેજોની 7 હજારથી વઘુ બેઠકો મંજૂરી વિનાની છે. ઉપરાંત 70થી 80 જેટલી નવી કોલેજોની મંજૂરી પણ પેન્ડિંગ છે. જો બાકી કોલેજોને રિન્યુલ પરમિશન અને નવી કોલેજોને મંજૂરી 30મી નવેમ્બર પહેલા મળી જશે તો ખાલી બેઠકોમાં હજુ પણ હજારો સીટોનો વધારો થશે.ચોથા રાઉન્ડના સીટ એલોટમેન્ટ બાદ ઓક્ઝિલરી નર્સિંગમાં 6622, ઓડિયોલોજીમાં 19, નેચરોપેથીમાં 9, ઓપ્ટોમેટ્રીમાં 302, ફીઝિયોથેરપીમાં 2930, બીએસસી નર્સિંગમાં 7362 અને જનરલ નર્સિંગમાં 27538 બેઠકો ખાલી છે. આમ માત્ર નર્સિંગમાં જ 24 હજારથી વઘુ બેઠકો ખાલી છે. જ્યારે ચાર રાઉન્ડના એલોટમેન્ટના અંતે માંડ 15011 વિદ્યાર્થીએ પ્રવેશ લીધો હોઈ મેરિટમાં સમાવિષ્ટ 40 હજાર જેટલા વિદ્યાર્થીઓમાંથી 25 હજાર જેટલા વિદ્યાર્થીએ પ્રવેશ લીધો જ નથી. એલોટમેન્ટ બાદ વિદ્યાર્થીએ 22મી સુધીમાં ઓનલાઈન ફી ભરી અને 23મી સુધીમાં હેલ્પ સેન્ટરમાં રિપોર્ટિંગ કરાવી પ્રવેશ કન્ફર્મ કરવાનો રહેશે.
Load more
