Related Posts
Category : Gujarat
અસમમાં પૂરનો કેર: મૃત્યુઆંક વધીને 80 થયો, 8 જિલ્લામાં 2.12 લાખથી વધુ લોકો સંકટમાં!
Assam Flood Situation 2026 Death Toll 80 : અસામમાં પૂરની સ્થિતિ અત્યંત ગંભીર બની રહી છે. રાજ્યના 8 જિલ્લાઓમાં 2,12,441 થી વધુ લોકો પૂરથી પ્રભાવિત થયા છે. જ્યારે આ વર્ષે પૂરના કારણે મૃત્યુ પામનારાઓની કુલ સંખ્યા વધીને 80 થઈ ગઈ છે. અસામ રાજ્ય આપત્તિ વ્યવસ્થાપન પ્રાધિકરણ (ASDMA) ના અધિકારીઓએ શુક્રવારે આ માહિતી આપી છે.
પૂરથી પ્રભાવિત વિસ્તારો અને નુકસાનની વિગતો
ASDMA ના જણાવ્યા અનુસાર, ગોલાઘાટ, શિવસાગર, વિશ્વનાથ, ચરાઈદેવ, કામરૂપ (મેટ્રો), જોરહાટ, ધેમાજી અને નાગાંવ જિલ્લાઓમાં કુલ 2,12,441 લોકો પૂરની ઝપેટમાં છે. આ કુદરતી આપત્તિએ 21 મહેસૂલ મંડળો (રેવન્યુ સર્કલ) અંતર્ગત 437 ગામોને પ્રભાવિત કર્યા છે. જ્યારે પૂરના પાણી ફરી વળવાથી 17,198.09 હેક્ટર જમીનમાં ઊભેલો પાક બગડી ગયો છે. છેલ્લા 24 કલાક દરમિયાન શિવસાગર જિલ્લામાં વધુ 2 લોકોના મોત નીપજ્યા છે, જેના કારણે આ સિઝનમાં રાજ્યમાં પૂરના લીધે મૃત્યુ પામનારાઓનો કુલ આંકડો 80 પર પહોંચી ગયો છે.
રાહત અને બચાવ કામગીરી તથા તંત્રની ચેતવણી
પ્રભાવિત વિસ્તારોમાં સ્થાનિક વહીવટી તંત્ર દ્વારા રાહત અને બચાવ કામગીરી યુદ્ધના ધોરણે ચલાવવામાં આવી રહી છે. વિસ્થાપિત થયેલા પરિવારોને આશરો આપવા માટે કુલ 21 સ્થળોએ રાહત શિબિરો શરૂ કરવામાં આવ્યા છે. જિલ્લા પ્રશાસન દ્વારા પ્રભાવિત નાગરિકોને ભોજન, શુદ્ધ પીવાનું પાણી અને અન્ય જરૂરી રાહત સામગ્રી પૂરી પાડવામાં આવી રહી છે. શહેરી વિસ્તારોમાં પણ કામરૂપ મેટ્રોપોલિટન જિલ્લાના કેટલાક ભાગોમાં પૂરની અસર જોવા મળી રહી છે, અને અનેક નદીઓમાં પાણીનું સ્તર હજુ પણ ખતરાના નિશાનની ઉપર વહી રહ્યું છે.
NDRF ની કાર્યવાહી
આ દરમિયાન, અસામ રાજ્ય આપત્તિ વ્યવસ્થાપન પ્રાધિકરણે ગુરુવારે રાત્રે એક સાર્વજનિક એડવાઈઝરી જાહેર કરીને નાગરિકોને ધનસિરી (દક્ષિણ) નદીથી દૂર રહેવાની સખત સલાહ આપી છે, કારણ કે ગોલાઘાટ જિલ્લાના નુમાલીગઢ પાસે આ નદીનું જલસ્તર સતત વધી રહ્યું છે. રાજ્ય સરકાર અને વહીવટી તંત્ર પૂરની સ્થિતિ પર સતત નજર રાખી રહ્યા છે.
Load more
