Related Posts
Category : Gujarat
“હું ધારાસભ્ય છું, મારી સામે નહીં બોલવાનું”, અધિકારીઓની હાજરીમાં જ ધારાસભ્યએ પિત્તો ગુમાવ્યો; અરજદારો સાથે કરી ગાળાગાળી!
Junagadh news: જુનાગઢના માંગરોળ ખાતે જામવાળી પૂલ પાસે ગેરકાયદેસર રસ્તો બનાવેલો હોવાની માહિતી મળતાં ધારાસભ્ય ભગવાનજી અને નાયબ કલેક્ટર સહિતના અધિકારીઓ સ્થળ પર નિરીક્ષણ કરવા પહોંચ્યા હતા. નિરીક્ષણ દરમિયાન ગેરકાયદેસર રસ્તા મુદ્દે સ્થાનિકો અને ધારાસભ્ય વચ્ચે ઉગ્ર બોલાચાલી થઈ હતી. વાત વણસતાં ધારાસભ્ય ભગવાનજી શિસ્તના સીમાડા ઓળંગીને ગાળાગાળી પર ઉતરી આવ્યા હતા. સ્થળ પર હાજર નાયબ કલેક્ટર અને અન્ય અધિકારીઓની હાજરીમાં જ ધારાસભ્યએ સ્થાનિક રહીશો સાથે ગાળાગાળી કરતાં સમગ્ર વિસ્તારમાં ચકચાર મચી ગઈ છે.
મળતી માહિતી મુજબ, જામવાળી પુલ નજીક ગેરકાયદેસર રસ્તો બનાવવામાં આવ્યો હોવાની ફરિયાદોને પગલે ધારાસભ્ય ભગવાનજી કરગઠિયા અને નાયબ કલેક્ટર સહિતના ઉચ્ચ અધિકારીઓની ટીમ નિરીક્ષણ માટે પહોંચી હતી. આ નિરીક્ષણ દરમિયાન સ્થાનિક અરજદારો અને ધારાસભ્ય વચ્ચે રસ્તાના પ્રશ્નને લઈને ચર્ચા શરુ થઈ હતી, જે જોતજોતામાં ઉગ્ર બોલાચાલીમાં ફેરવાઈ ગઈ હતી.
Load more
