ઈઝરાયેલ-હમાસ યુદ્ધવિરામ પછી ફરી શરૂ:ગાઝામાં 18 ના મોત

ઈઝરાયેલ-હમાસ યુદ્ધવિરામ પછી ફરી શરૂ:ગાઝામાં 18 ના મોત

ઇઝરાયલ અને હમાસ વચ્ચે એક અઠવાડિયા સુધી ચાલેલા યુદ્ધવિરામ બાદ ફરી યુદ્ધ શરૂ થયું છે. ટાઈમ્સ ઓફ ઈઝરાયેલ અનુસાર, IDFએ ગાઝા પર બોમ્બમારો શરૂ કર્યો. ઈઝરાયેલના હોલિત વિસ્તારમાં રોકેટ એલર્ટ જારી કરવામાં આવ્યું છે. IDFએ હમાસ પર યુદ્ધવિરામના ઉલ્લંઘનનો આરોપ લગાવ્યો છે. તેમણે કહ્યું કે તેઓ ગાઝામાં હમાસને ખતમ કરવા માટે ફરી ઓપરેશન શરૂ કરી રહ્યા છે.

તે જ સમયે, હમાસે કહ્યું છે કે ઇઝરાયેલે સવારે રફાહ નજીક બોમ્બમારો કર્યો હતો, જેમાં 18 પેલેસ્ટિનિયન માર્યા ગયા હતા. અહીં, ઇઝરાયેલના વડા પ્રધાન બેન્જામિન નેતન્યાહૂએ કહ્યું છે કે હમાસ વધુ બંધકોને છોડવા માંગતું નથી. જેના કારણે યુદ્ધવિરામને વધુ લંબાવી શકાયો નથી. હમાસે તમામ મહિલાઓને પણ છોડી ન હતી અને ઈઝરાયેલ પર રોકેટ છોડવાનું શરૂ કર્યું હતું.

હમાસે 7 દિવસના યુદ્ધવિરામમાં 110 ઈઝરાયેલને મુક્ત કર્યા છે. યુદ્ધવિરામના છેલ્લા દિવસે 8 ઈઝરાયેલી બંધકોને મુક્ત કરવામાં આવ્યા હતા. આમાંથી બે મહિલાઓને ગુરુવારે બપોરે જ મુક્ત કરવામાં આવી હતી. સાંજે 6 બંધકોને છોડવામાં આવ્યા હતા. બદલામાં ઈઝરાયેલે 30 પેલેસ્ટાઈનીઓને મુક્ત કર્યા. જેમાં 22 બાળકો અને 8 મહિલાઓનો સમાવેશ થાય છે.

હમાસની કેદમાંથી મુક્ત થયેલા બાળકોએ આક્ષેક કર્યો છે કે આતંકવાદીઓએ તેમને ઓળખવા માટે તેમના પગ સળગાવી દીધા હતા. આ માટે મોટરસાઇકલ એક્ઝોસ્ટનો ઉપયોગ કરવામાં આવ્યો હતો. તમામ બાળકોને મોટરસાઇકલ પર બેસાડવામાં આવ્યા હતા અને તેમના પગ સળગતા એક્ઝોસ્ટ પર મૂકવામાં આવ્યા હતા. ઇઝરાયેલના મીડિયા હાઉસ જેરુસલેમ પોસ્ટ અનુસાર, 12 વર્ષીય યાગીલ અને 16 વર્ષીય યાકોવે છૂટા થયા બાદ તેમના પરિવારજનોને આ વાત કહી.

તેના કાકા યાનિવે પણ જણાવ્યું કે હમાસના લોકોએ ડ્રગ્સનો ઉપયોગ કરતા હતા અને તેને વારંવાર એક જગ્યાએથી બીજી જગ્યાએ શિફ્ટ કરતા હતા. ઈઝરાયેલના પૂર્વ વડાપ્રધાને બંને બાળકોની તસવીરો સોશિયલ મીડિયા પ્લેટફોર્મ પર શેર કરી છે. તેણે લખ્યું કે હમાસના આંતકીઓ રાક્ષસ છે અને તેમને ખતમ કરવા પડશે.

વોશિંગ્ટન પોસ્ટ અનુસાર, ખ્રિસ્તીઓના સૌથી મહાન ધર્મગુરુ પોપ ફ્રાન્સિસે ગયા મહિને ઈઝરાયેલના રાષ્ટ્રપતિ આઈઝેક હરઝોગ સાથે વાત કરી હતી. તેમણે કહ્યું હતું- ગાઝામાં થઈ રહેલા ઈઝરાયેલ હુમલા આતંકવાદ છે. આતંક દ્વારા આતંકને ખતમ કરી શકાતો નથી. તે જ સમયે, ગયા અઠવાડિયે, જનતાને સંબોધિત કરતી વખતે, પોપે કહ્યું હતું – અમે યુદ્ધથી આગળ વધી ગયા છીએ. આ યુદ્ધ નથી. આ આતંકવાદ છે.