Related Posts
Category : Sports
IND vs SA 2nd T20:પ્રથમ T20માં જીત છતાં ટીમ ઈન્ડિયાની મુશ્કેલીઓ વધી.
IND vs SA 2nd T20:ઓપનર સંજુ સેમસનની તોફાની સદી બાદ વરુણ ચક્રવર્તી અને રવિ બિશ્નોઈની સ્પિન જોડીના શાનદાર પ્રદર્શનના આધારે ભારતે શુક્રવારે કિંગ્સમીડ ક્રિકેટ ગ્રાઉન્ડ પર રમાયેલી પ્રથમ T20 મેચમાં દક્ષિણ આફ્રિકાને 61 રનથી હરાવ્યું હતું. જીતવા માટેના 203 રનના લક્ષ્યાંકનો પીછો કરવા ઉતરેલી યજમાન ટીમ શરૂઆતથી જ દબાણમાં જોવા મળી હતી અને 17.5 ઓવરમાં 141ના સ્કોર પર આઉટ થઈ ગઈ હતી. ભારત તરફથી ચક્રવર્તી અને બિશ્નોઈએ ત્રણ-ત્રણ વિકેટ લીધી હતી. અવેશ ખાને બે બેટ્સમેનોને પેવેલિયનનો રસ્તો બતાવ્યો હતો જ્યારે અર્શદીપના ખાતામાં એક વિકેટ પડી હતી.
ડરબનમાં ટીમ ઈન્ડિયાની આ સતત 5મી અને આ વર્ષે સતત 11મી જીત છે. ભારતે આ કેલેન્ડર વર્ષમાં 23 મેચ રમી છે અને માત્ર એક જ હાર્યું છે. તેમની છેલ્લી હાર ઝિમ્બાબ્વેના હાથે થઈ હતી. જો કે ભારત અને દક્ષિણ આફ્રિકા વચ્ચે જ્યાં બીજી મેચ રમાશે ત્યાં યજમાન ટીમના આંકડા શાનદાર છે. દક્ષિણ આફ્રિકાની ટીમ છેલ્લા 12 વર્ષથી એકપણ મેચ હારી નથી. અહીં તેમની છેલ્લી હાર 2007માં વેસ્ટ ઈન્ડિઝ સામે થઈ હતી.
આફ્રિકા 14 વર્ષથી કૈબ્રામાં હાર્યું નથી
ભારત તરફથી કૈબરામાં સૌથી વધુ 180 રનનો સ્કોર નોંધાયો હતો. જો કે, તે મેચ દક્ષિણ આફ્રિકાએ ડકવર્થ લુઈસ પદ્ધતિનો ઉપયોગ કરીને જીતી હતી. દક્ષિણ આફ્રિકાએ અહીં અત્યાર સુધી 4 મેચ રમી છે અને છેલ્લી 3માં જીત મેળવી છે. કૈબ્રામાં 9 મેચ રમાઈ છે અને 4 વખત પહેલા બેટિંગ કરનાર ટીમ જીતી છે અને 5 વખત બાદમાં બેટિંગ કરનાર ટીમ જીતી છે. જો કે, જો લક્ષ્યાંક 170ની આસપાસ હોય તો અહીં રનનો પીછો કરવો સરળ નથી. આ મેચ રવિવારે સાંજે 7.30 વાગ્યાથી રમાશે. સ્પોર્ટ્સ 18 અને જિયો સિનેમા સિવાય આ મેચ ડીડી સ્પોર્ટ્સ પર પણ લાઈવ જોઈ શકાશે.
Load more
