Related Posts
Category : Sports
IND vs SA: ઇશાન કિશને વિરાટ અને અય્યરને શું આપ્યો સંદેશ, શું મેસેજ બન્યો ભારતની જીતનું કારણ.?
ભારતીય ટીમે વર્લ્ડ કપ 2023માં સતત 8મી જીત હાંસલ કરી છે. ઈડન ગાર્ડન્સમાં રોહિત સેનાએ દક્ષિણ આફ્રિકાને આસાનીથી હરાવ્યું હતું. આ મેચમાં ભારતને 243 રનથી મોટી જીત મળી હતી. એક સમયે ટીમ ઈન્ડિયા મુશ્કેલીમાં જોવા મળી રહી હતી. બેટિંગ દરમિયાન 11મીથી 25મી ઓવરની વચ્ચે ભારતીય બેટ્સમેનો 15 ઓવરમાં માત્ર 52 રન જ બનાવી શક્યા હતા. વિકેટમાં ટર્ન આવ્યો હતો અને અય્યર સતત વિરાટ સાથે સ્કોર માટ ઝઝુમી રહ્યો હતો.
જ્યારે વિરાટ કોહલી અને શ્રેયસ અય્યર બેટિંગ કરી રહ્યા હતા ત્યારે રોહિત શર્માએ ઈશાન કિશનને મેસેન્જર તરીકે મેદાન પર મોકલ્યો હતો. ઈશાન જ્યારે ડિંક્સ લઈને આવ્યો ત્યારે રાહુલ દ્રવિડ અને રોહિત શર્મા તેની સાથે લાંબા સમય સુધી વાત કરતા હતા. તે ઈશાનને ઘણું બધું કહેતો જોવા મળ્યો હતો. આ પછી તરત જ ઈશાન મેદાનમાં જાય છે અને કોહલી અને ઐયરને કેપ્ટન અને કોચનો મેસેજ આપે છે.
શ્રેયસ અય્યરે મેચ બાદ ખુલાસો કર્યો હતો કે ટીમ મેનેજમેન્ટ દ્વારા તેને શું સંદેશ મોકલવામાં આવ્યો હતો. અય્યરે કહ્યું, ‘અધવચ્ચે સંદેશ મોકલવા માટે કેપ્ટન રોહિત શર્મા અને ટીમ મેનેજમેન્ટનો આભાર કારણ કે તે સમયે હું થોડો ચિંતિત હતો પરંતુ તેઓએ અમને મેચમાં સમજદારીપૂર્વક બેટિંગ કરવા કહ્યું. આનાથી મને મેચ દરમિયાન ઘણી મદદ મળી. વિરાટ કોહલીએ પણ મેચ બાદ કહ્યું હતું કે ટીમ મેનેજમેન્ટે તેને અંત સુધી રહેવાનો સંદેશ આપ્યો હતો.
શ્રેયસ અય્યર અને વિરાટ કોહલી વચ્ચે 135 રનની ભાગીદારી થઈ હતી. સંઘર્ષ કર્યા પછી, અય્યરે વિકેટ ન પાડી અને પછી તેને રન બનાવવાની તકો મળવા લાગી. તેણે 87 બોલમાં 7 ચોગ્ગા અને 2 છગ્ગાની મદદથી 77 રન બનાવ્યા હતા. તે સદી ચૂકી ગયો પરંતુ આઉટ થતા પહેલા ભારતીય ટીમને મજબૂત સ્થિતિમાં લઈ ગયો.
Load more
