Related Posts
Category : Sports
IND vs PAK Match LIVE – વરસાદથી મેચ રદ થશે તો શું થશે?
T20 વર્લ્ડ કપ 2024માં ભારતીય ટીમ અને પાકિસ્તાન વચ્ચે શાનદાર મેચ રમાઈ રહી છે. આ મેચ ન્યૂયોર્કમાં ગ્રુપ-A અંતર્ગત રમાઈ રહી છે, જેમાં પાકિસ્તાનના કેપ્ટન બાબર આઝમે ટોસ જીતીને પહેલા બોલિંગ કરવાનો નિર્ણય કર્યો હતો. રોહિત શર્માએ પહેલી ઓવરમાં શાહીન આફ્રિદીની બોલ પર સિક્સર ફટકારી હતી અને ઓવરમાં 8 રન બનાવ્યા હતા. ત્યારબાદ ભારે વરસાદને કારણે મેચ રોકી દેવામાં આવી હતી.
તમને જણાવી દઈએ કે Accuweather મુજબ, આજે ન્યુયોર્કમાં વરસાદની 42% સંભાવના છે. જો મેચ વરસાદના કારણે ધોવાઇ જાય તો બંને ટીમોને એક-એક પોઇન્ટ મળશે. તમને જણાવી દઈએ કે ICCએ ગ્રુપ મેચો માટે રિઝર્વ ડે કે વધારાના સમયની કોઈ જોગવાઈ નથી કરી.
આ વર્લ્ડ કપમાં ભારત અને પાકિસ્તાન બંને ટીમોની આ બીજી મેચ છે. અગાઉ આ વર્લ્ડ કપમાં પાકિસ્તાનને અમેરિકા જેવી નવી ટીમે કારમી હાર આપી હતી. ત્યારથી બાબર આઝમની કપ્તાનીવાળી પાકિસ્તાની ટીમની ભારે ટીકા થઈ રહી છે. જ્યારે બીજી તરફ ભારતે તેની પ્રથમ મેચ જીતી લીધી છે.
રોહિત શર્માની કેપ્ટન્સીમાં ભારતીય ટીમે તાજેતરમાં આયર્લેન્ડને 8 વિકેટે હરાવ્યું હતું. આ વર્લ્ડ કપમાં ભારતની આ પ્રથમ મેચ હતી, જે તેણે 46 બોલ બાકી રહેતા જીતી લીધી હતી. હવે સુકાની રોહિતે પાકિસ્તાન સામેની આ મેચમાં પણ એ જ મેચ વિનિંગ ટીમને મેદાનમાં ઉતારી છે.
Load more
