Related Posts
Category : Gujarat
કમોસમી વરસાદથી ખેડૂતોને ભારે નુકસાન પહોંચ્યુ છે ખેડૂતોને સહાય કરવા કોંગ્રેસની માંગ
છેલ્લા બે દિવસથી રાજ્યમાં પડી રહેલા કમોસમી વરસાદથી ખેડૂતોને ભારે નુકસાન પહોંચ્યુ છે. આને લઇને હવે રાજકીય પક્ષો અને રાજકીય નેતાઓ સરકારને ઘેરવા લાગી છે, આ મુદ્દે આજે ગુજરાત કોંગ્રેસે પણ રાજ્ય સરકારો સામે સવાલો ઉઠાવ્યા છે. ગુજરાત વિધાનસભા કોંગ્રેસ પક્ષના નેતા અમિત ચાવડાએ આજે પ્રેસ કૉન્ફરન્સ કરીને સરકારની આ મુદ્દે ઝાટકણી કાઢી હતી, અને ખેડૂતોને સહાય કરવા માંગ કરી હતી.
આજે અમિત ચાવડાએ પ્રેસ કૉન્ફરન્સ કરીને સરકારને ખેડૂતોને નુકસાની અંગે સહાય કરવા માંગ કરી છે. ગુજરાત વિધાનસભામાં કોંગ્રેસ પક્ષના નેતા અમિત ચાવડાએ પ્રેસમાં જણાવ્યુ કે, રાજ્યમાં પડેલા કમોસમી વરસાદથી ખેતીમાં મોટુ નુકસાન પહોંચ્યુ છે, ખેડૂતો બરબાદ થયા છે, દેવાદાર થયા છે. અમિત ચાવડાએ સરકાર પર પ્રહાર કરતાં કહ્યું કે, સરકારે વચનો પૂરા નથી કર્યા, ખેડૂતો દેવાદાર થયા છે. આર્થિક બરબાદીની સાથે સાથે ગુજરાતમાં જાનહાની પણ થઈ છે. 25થી વધુ લોકોના વીજળી પડવાથી મોત થયા છે. 60 તાલુકાઓમા 1 ઈંચ કરતા વધુ વરસાદ વરસ્યો છે. ઉત્તર ગુજરાતમાં એરંડાના પાકને મોટા પ્રમાણમાં નુકસાન થયુ છે. માવઠાથી જીરુની વાવણીને પણ અસર થઈ છે. આ ઉપરાંત સૌરાષ્ટ્રમાં કપાસના પાકને મોટા પ્રમાણમાં નુકસાન પહોંચ્યુ છે. રાજ્યમાં વરિયાળી, ગુલાબની ખેતીને પણ નુકસાન થયુ છે. મધ્ય ગુજરાતમાં પણ ડાંગરના પાકને મોટું નુકસાન થયુ છે.
કોંગ્રેસ નેતા અમિત ચાવડાએ પ્રેસ કૉન્ફરન્સમાં જણાવ્યુ કે, દર વખતે કુદરતી આફત સમયે સરકાર મોટી મોટી જાહેરાત કરે છે, અતિવૃષ્ટિમાં સૌરાષ્ટ્રના 5 જિલ્લાને સહાય જાહેર કરી પરંતુ આપી નથી. બિપરજૉય વાવાઝોડાની પૂરી સહાય પણ હજુ ચૂકવાઈ નથી. ખેડૂતોના નુકસાન માટે વળતર મળે તે માટે વિમાની વ્યવસ્થા હોવી જોઈએ. પ્રધાનમંત્રી ફસલ વીમા યોજના કંપનીઓને પ્રીમિયમ આપીને બંધ કરી દીધી છે.
તેમને વધુમાં જણાવ્યુ કે, કુદરતી આફત આવ્યા બાદ ખેડૂતને આપઘાત કર્યા સિવાય કોઈ રસ્તો બચતો નથી. ખેડૂતોને નુકશાનીના વળતર માટે અલગથી વિભાગ હોવો જોઈએ. સરકાર બજેટમાં જોગવાઈ કરી કૃષિ વિભાગ હસ્તક પાકવિમાં યોજના અમલમાં મૂકે, મુખ્યમંત્રી જાપાનમાં બુલેટ ટ્રેનમાં ફરે છે. 10 દિવસોમાં સર્વે પૂર્ણ કરી નુકસાનીનં પૂરતું વળતર આપવામાં આવે. પશુઓના મૃત્યુ સામે બજાર કિંમત પ્રમાણે સહાય ચુકવવામાં આવે. વીજળી પડવાથી 25 જેટલા લોકોના મૃત્યુ થયા છે, વીજળી પડવાથી જેમના મૃત્યુ થયા છે તેમના પરિવારને 10 લાખ રૂપિયાની સરકારે સહાય આપવી જોઇએ.
Load more
