લોકસભા ચૂંટણીમાં શું શક્તિસિંહ ગોહિલ કોંગ્રેસની શક્તિ વધારશે ?

લોકસભા ચૂંટણીમાં શું શક્તિસિંહ ગોહિલ કોંગ્રેસની શક્તિ વધારશે ?

ગુજરાત ભાજપનો મજબૂત ગઢ છે. 2024ની ચૂંટણીમાં કોંગ્રેસ સામે સૌથી મોટો પડકાર આ ગઢમાં ઘૂસવાનો છે. જૂનમાં પ્રદેશ પ્રમુખ બનેલા શક્તિસિંહ ગોહિલ દિવાળી પહેલા સંગઠનના કેટલાક પદો પર નેતાઓની તાજપોશીની જાહેરાત કરી શકે છે. ઈન્દ્રનીલ એ કોંગ્રેસનો ખજાનચી ગણાય છે તો પરેશ ધાનાણીને પણ કોંગ્રેસ મહત્વની જવાબદારી આપી શકે છે તેમ સુત્ર દ્વારા જાણકારી મળી છે.

પરેશ ધાનાણી અને લલીત વસોયા ને મળી શકે છે મહત્વની જવાબદારી

પરેશ ધાનાણી સૌરાષ્ટ્રની લોકસભા બેઠકની જવાબદારી મળી શકે છે. પરેશ ધાનાણીને અમેરેલી સહિત આસપાસ બેઠકો જીતાડવા મળી શકે છે જવાબદારી. કોંગ્રેસ આ વખતે વ્યકિત દીઠ બેઠકો જીતાડવા આપી શકે છે જવાબદારી જે પ્રમાાણે જિલ્લા વાઇઝ નેતાઓ કે જેમનું સ્થાનિક લેવલે વર્ચસ્વ છે તેમને ફરી સક્રિય કરી શકે છે. જેમાં લલીત વસોય, પરેશ ઘાનાણને ચૂંટણીમાં સૌરાષ્ટ્રની જવાબદારી મળવાની સંભાવના છે.

કોંગ્રેસના નેતા ઈન્દ્રનીલ રાજગુરુ-
ગુજરાત વિધાનસભાની ચૂંટણી વચ્ચે કોંગ્રેસમાં પરત ફરેલા સૌરાષ્ટ્રના મોટા ચહેરા પૈકીના એક એવા ઈન્દ્રનીલ રાજ્યગુરુ (રાજગુરુ)ને કોંગ્રેસ મોટી જવાબદારી આપી શકે છે. ગુજરાતમાં રાજ્યસભાના સાંસદ શક્તિસિંહ ગોહિલે પ્રદેશ પ્રમુખ તરીકેનો કાર્યભાર સંભાળ્યા બાદ ઈન્દ્રનીલ રાજગુરુ સતત સક્રિય છે. હાલમાં તેઓ ગુજરાતમાં કોંગ્રેસના હાથ સે હાથ જોડો અભિયાનના સંયોજક છે. આવા સંજોગોમાં લોકસભાની ચૂંટણી પહેલા કોંગ્રેસના સંગઠનમાં ફેરબદલની ચર્ચાઓ ચાલી રહી છે અને દિલ્હીમાં પ્રદેશ નેતાઓની બેઠકો યોજાઈ રહી છે ત્યારે ઈન્દ્રનીલ એ ગોહિલની પાર્ટીમાં મહત્વનો ચહેરો બની શકે તેવી માહિતી સૂત્રો પાસેથી મળી રહી છે. રાજકોટના ધારાસભ્ય એવા ઈન્દ્રનીલ રાજગુરુ કોંગ્રેસ છોડીને આમ આદમી પાર્ટીમાં જોડાયા હતા, પરંતુ ચૂંટણી પહેલા આમ આદમી પાર્ટીએ ઈસુદાન ગઢવીને સીએમ પદના ઉમેદવાર જાહેર કર્યા હતા. તેથી તેઓ કોંગ્રેસમાં પાછા ફર્યા.

મોટી જવાબદારી મળવાની ચર્ચા-
ઈન્દ્રનીલ રાજગુરુ કે જેઓ ગુજરાતના સમૃદ્ધ ધારાસભ્યોમાં સામેલ હતા, તેઓ આ દિવસોમાં કોંગ્રેસને મજબૂત કરવા શક્તિ સિંહ સાથે મળીને કામ કરી રહ્યા છે. રાજ્યની મુખ્ય ટીમમાં તેમને મોટી જવાબદારી સોંપવામાં આવી શકે છે. તેમને ગુજરાત રાજ્યના ઉપપ્રમુખ અથવા મહામંત્રીની જવાબદારી મળી શકે છે. પ્રદેશ પ્રમુખ બન્યા બાદ શક્તિસિંહ ગોહિલે હજુ સુધી કોઈ ફેરફાર કર્યો નથી. સંસ્થામાં પણ ઘણી જગ્યાઓ ખાલી છે.

PM મોદી અને અમિત શાહના ગૃહ રાજ્ય ગુજરાતમાં રાજ્યસભાના સાંસદ શક્તિસિંહ ગોહિલની આકરી કસોટી થઈ રહી છે. ભાવનગરના વતની શક્તિ સિંહને 2024ની ચૂંટણીમાં ખાતું ખોલાવવાનો મોટો પડકાર છે. છેલ્લી બે લોકસભા ચૂંટણીમાં પાર્ટીને ઝીરો બેઠકો મળી છે. રાજ્યની તમામ 26 બેઠકો પર ભાજપનો કબજો છે.

કોણ છે ઈન્દ્રનીલ રાજગુરુ?
રાજગુરુ 2017ની ચૂંટણી રાજકોટ પૂર્વ બેઠક પરથી તત્કાલિન મુખ્યમંત્રી વિજય રૂપાણી સામે લડ્યા હતા. ત્યારબાદ તેમને સીટીંગ મુખ્યમંત્રી સામે હારનો સામનો કરવો પડ્યો હતો. કોંગ્રેસ પાર્ટીએ ઈન્દ્રનીલ રાજગુરુને ઘરે પરત ફર્યાના 9 મહિના બાદ હાથ સે હાથ જોડો અભિયાનના સંયોજક બનાવ્યા હતા. ત્યારથી તેમણે ઘણા લોકોને કોંગ્રેસ સાથે જોડ્યા છે. આટલું જ નહીં AAPમાં સામેલ થયેલા નેતાઓની ઘરવાપસી પણ કરાવી ચૂકયા છે. ઈન્દ્રનીલ રાજગુરુને પ્રદેશ પ્રમુખ શક્તિસિંહ ગોહિલના નજીકના માનવામાં આવે છે. તાજેતરમાં આમ આદમી પાર્ટીના ઉપાધ્યક્ષ ભેમાભાઈ ચૌધરી કોંગ્રેસમાં જોડાયા ત્યારે ઈન્દ્રનીલનું નામ સામે આવ્યું હતું કે શું તે AAPને તોડવા માટે કોઈ ખાસ ઓપરેશન ચલાવી રહ્યા છે. જ્યારે ઈન્દ્રનીલ AAPમાં હતા ત્યારે ત્યાંના પોસ્ટર બોય હતા, જો પાર્ટી 2024 પહેલા તેનું કદ વધારે વધારશે તો ઈન્દ્રનીલ કોંગ્રેસના પોસ્ટર બોય બની જશે. દિવાળીથી કોંગ્રેસ કેટલીક મોટી જાહેરાતો કરે તેવી શક્યતા છે.