Related Posts
Category : Sports
ENG vs AUS T20:ઓસ્ટ્રેલિયાએ ઈંગ્લેન્ડ અને સ્કોટલેન્ડ સામેની T20 શ્રેણી માટે દિગ્ગજ ખેલાડીઓને કર્યા બહાર
ઓસ્ટ્રેલિયાએ સપ્ટેમ્બરમાં સ્કોટલેન્ડ અને ઈંગ્લેન્ડ સામે રમાનાર ટી20 શ્રેણી માટે ટીમની જાહેરાત કરી દીધી છે. T20 સિરીઝ માટે પસંદ કરાયેલી ટીમમાં મોટા ફેરફાર જોવા મળ્યા છે. ડેવિડ વોર્નરની વ્હાઈટ બોલ ઈન્ટરનેશનલ ક્રિકેટમાંથી નિવૃત્તિ બાદ, ઓસ્ટ્રેલિયાએ પ્રથમ વખત ટી20 ટીમમાં યુવા ઓપનર જેક ફ્રેઝર-મેકગર્કની પસંદગી કરી. ઓસ્ટ્રેલિયા સામે શરૂ થઈ રહેલી 5 મેચની બોર્ડર-ગાવસ્કર ટેસ્ટ શ્રેણીને ધ્યાનમાં રાખીને ટેસ્ટ કેપ્ટન પેટ કમિન્સને સફેદ બોલના પ્રવાસ માટે આરામ આપવામાં આવ્યો હતો.
મિચેલ માર્શ વનડે અને ટી-20ના કેપ્ટન રહેશે. ટી20 વર્લ્ડ કપની નિરાશા છતાં પસંદગીકારોએ ઓલરાઉન્ડરને સમર્થન આપ્યું છે. મેથ્યુ વેડને ટીમમાંથી બહાર કરવામાં આવ્યા છે, જ્યારે એલેક્સ કેરી, નાથન એલિસ, ગ્લેન મેક્સવેલ, મેથ્યુ શોર્ટ અને મિચેલ સ્ટાર્કને પણ ક્રિકેટના સૌથી ટૂંકા ફોર્મેટમાંથી બહાર કરવામાં આવ્યા છે. ઓસ્ટ્રેલિયા 4 થી 7 સપ્ટેમ્બર દરમિયાન સ્કોટલેન્ડ સામેની ત્રણ મેચની T20 શ્રેણી સાથે યુકે પ્રવાસની શરૂઆત કરશે. આ પછી, ટીમ ઇંગ્લેન્ડ સામે 11 થી 15 સપ્ટેમ્બર સુધી 3 T20 રમશે, ત્યારબાદ તે 19 થી 29 સપ્ટેમ્બર સુધી તેની પાંચ વનડે મેચ રમશે.
UK પ્રવાસ માટે ઓસ્ટ્રેલિયાની T20 ટીમ
મિશેલ માર્શ (કેપ્ટન), ઝેવિયર બાર્ટલેટ, કૂપર કોનોલી, ટિમ ડેવિડ, નાથન એલિસ, જેક ફ્રેઝર-મેકગર્ક, કેમેરોન ગ્રીન, એરોન હાર્ડી, જોશ હેઝલવુડ, ટ્રેવિસ હેડ, જોશ ઈંગ્લિસ, સ્પેન્સર જોહ્ન્સન, માર્કસ સ્ટોઈનિસ અને એડમ ઝમ્પા.
UK પ્રવાસ માટે ઓસ્ટ્રેલિયાની ODI ટીમ
મિશેલ માર્શ (કેપ્ટન), સીન એબોટ, એલેક્સ કેરી, નાથન એલિસ, જેક ફ્રેઝર-મેકગર્ક, કેમેરોન ગ્રીન, એરોન હાર્ડી, જોશ હેઝલવુડ, ટ્રેવિસ હેડ, જોશ ઇંગ્લિસ, માર્નસ લેબુશેન, ગ્લેન મેક્સવેલ, મેથ્યુ શોર્ટ, સ્ટીવ સ્મિથ અને મિશેલ સ્ટાર્ક આદમ ઝમ્પા.
Load more
