Related Posts
Category : Gujarat
Gold Price: મોંઘા થઈ રહેલા પેટ્રોલ-ડીઝલથી સોનું સસ્તું કઈ રીતે?
એક તરફ પેટ્રોલ અને ડીઝલના ભાવ આકાશે આંબી રહ્યા છે. બીજી બાજુ ક્રૂડ ઓઈલ સતત ઉછાળા મારી રહ્યું છે. અમેરિકા અને ઈરાન વચ્ચે સમજૂતિ પર સસ્પેન્સના પગલે ક્રૂડ ઓઈલના ભાવમાં ભારે તેજી પણ જોવા મળી રહી છે. આ બધા વચ્ચે જો કોઈ વસ્તુ સૌથી વધુ ચર્ચામાં હોય તો તે છે સોનું. સોનાના ભાવમાં કડાકાનો માહોલ ચાલુ છે. જ્યારથી ઈરાન યુદ્ધ શરૂ થયું છે ત્યારથી સોનું સતત સસ્તું થઈ રહ્યું છે. આજે પણ સોનાના ભાવમાં ઘટાડો ચાલુ છે. જો ફેબ્રુઆરી 2026માં ઈરાન યુદ્ધ શરૂ થયા બાદ ક્રૂડ ઓઈલના ભાવ સતત વધી રહ્યા છે જ્યારે સોનું તૂટી રહ્યું છે. ત્યારથી લઈને અત્યાર સુધીમાં સોનું લગભગ 18000 રૂપિયા જેટલું સસ્તું થઈ ચૂક્યું છે. 24 કેરેટવાળું સોનું જે લગભગ 1.78 લાખ રૂપિયા પ્રતિ 10 ગ્રામ સુધી પહોંચી ગયું હતું તે તૂટીને 1.57 લાખ રૂપિયા અને ચાંદી 3.83 લાખ રૂપિયા પ્રતિ કિલોગ્રામ હતી તે હવે 2.60 લાખ રૂપિયા પર પહોંચી છે.
વૈશ્વિક બજારમાં આજની સ્થિતિ
વૈશ્વિક બજારમાં સ્પોટ ગોલ્ડમાં 26.02 ડોલરનો ઘટાડો થયો છે. જે સોનું 4559.90 ડોલર પ્રતિ ઔંસ પર વેચાઈ રહ્યું હતું તે તૂટીને 4516.75 ડોલર પ્રતિ ઔંસ પર પહોંચી ગયું છે. સોનાના ભાવમાં આ ઘટાડો સોનું ખરીદવાનું વિચારતા લોકોને રાહત આપી શકે છે.
Load more
